Májilis depýtaty Maqsat Tolyqbaı Jomart kenishindegi apatqa qatysty pikir bildirdi.

- Qaza bolǵan 7 kenshiniń obaly kimge? Mundaı jaǵdaı qaıtalanbasyna kim kepil? "Qazaqmys" shahtalarynda osy kezge deıin qanshama apat boldy. Olardyń sebebi tehnıkanyń tozýy ma, óndiristik qaýipsizdik talaptarynyń saqtalmaýy ma anyqtaý kerek. Osy Májilis qabyrǵasynda bul másele birneshe ret kóterildi. Keıbir memlekette mundaı jaǵdaı bolsa, kompanıa basshylyǵy eldiń aldyna shyǵyp, keshirim surar edi. Bizdegi jaǵdaıdy kórip otyrsyzdar, sondyqtan muny túbegeıli baqylaý kerek. Tek "Qazaqmys" emes, barlyq shahtadaǵy qaýipsizdiktiń saqtalý máselesin tekserý qajet. Sebebi mundaı apattyń qaıtalanbasyna esh kepildik joq. Osy oraıda tergeý nátıjesin kúteıik, qazir Úkimettik komısıa da quraldy, jaýaptylar mindetti túrde jazaǵa tartylýy kerek, - dedi ol.

Aıta keteıik, qazirgi kezde Úkimettik komısıa avarıanyń tergep-tekserý jumystaryn bastady. Aldyn ala derekter boıynsha shahtada tabıǵı gaz jarylǵan.

derekkóz: baq.kz