Úkimettik komısıa avarıanyń tergep-tekserý jumystaryn bastady. Aldyn ala derekter boıynsha shahtada tabıǵı gaz jarylǵan. Komısıa múshelerimen birlesip, avarıa bolǵan jerdi qarap, qaza tapqandardyń otbasylarymen kezdestim. Atalǵan fakt boıynsha sotqa deıingi tergeý bastaldy. Eki arnaıy kishi komısıa quryldy. Onyń biri avarıanyń týyndaý sebebin, ekinshisi ónerkásiptik qaýipsizdik erejeleriniń buzylǵanyn anyqtaýy tıis. Osy eki komısıa óz jumystaryn 10 kúnniń ishinde aıaqtaýy qajet,- dedi ol.

Bozymbaev shahtanyń jumysy ýaqytsha toqtatylǵanyn atap ótti.

Qaza tapqandardyń otbasylaryna materıaldyq kómek kórsetilip jatyr. "Qazaqmys" jerleý rásimin ótep, olardyń jyldyq ortasha jalaqysynyń 10 eselengen tólemin, balalardyń oqý aqysy men alǵan nesıelerin óteıdi. Kenshilerdiń otbasylaryna memlekettik járdemaqy men asyraýshysynan aıyrylýy boıynsha áleýmettik ótemaqy taǵaıyndalady. Jerleýge arnalǵan ótemaqy tólenedi. Tergeý nátıjeleri komısıa jumysy aıaqtalǵan soń usynylady,- dedi Qanat Bozymbaev.

Oqıǵa saldarynan 7 adam qaza taýyp, 402 adam evakýasıalandy.