Prezıdenttiń keńesshisi – baspasóz hatshysy bolyp Rýslan Sultanuly Jeldibaı taǵaıyndaldy. Memleket basshysy tıisti ókimge qol qoıdy. Rýslan Jeldibaı buǵan deıin de Prezıdenttiń baspasóz hatshysy qyzmetin atqarǵan. Odan buryn Prezıdent Ákimshiliginiń İshki saıasat bólimi meńgerýshisiniń orynbasary, Premer-Mınıstr Keńsesi Basshysynyń orynbasary sıaqty laýazymdarda bolǵan.
«Memleket basshysynyń ókimimen Rýslan Sultanuly Jeldibaı Qazaqstan Respýblıkasy Prezıdentiniń keńesshisi – Prezıdenttiń Baspasóz hatshysy laýazymyna taǵaıyndaldy» dep jazylǵan Jarlyqta.
Rýslan Jeldibaı 1989 jyly Jambyl oblysynda týǵan.
T.Rysqulov atyndaǵy Qazaq ekonomıkalyq ýnıversıtetin, Ýorık ýnıversıtetin (Ulybrıtanıa) bitirgen. «Bolashaq» baǵdarlamasynyń túlegi.
Eńbek jolyn 2012 jyly «Qazaqstan» telearnasynda redaktor bolyp bastaǵan.
2012-2018 jj. – «Almaty» telearnasynda bólim basshysy, prodúser.
2018-2019 jj. – QR Aqparat jáne komýnıkasıalar komıtetiniń Internet keńistigindegi jáne áleýmettik jelilerdegi aqparattyq jumys jónindegi basqarma basshysynyń m.a., basshysy.
2019-2020 jj. – QR Aqparat jáne qoǵamdyq damý mınıstrliginiń Aqparat komıteti tóraǵasynyń orynbasary.
2020 jyldyń mamyr aıynan bastap qazirgi ýaqytqa deıin QR Prezıdenti Ákimshiliginiń İshki saıasat bólimi meńgerýshisiniń orynbasary boldy.
Pikir qaldyrý