Eýrazıalyq bırjalar federasıasynyń bas hatshysy Konstantın Saroıan Joining Tabadul Hub halyqaralyq konferensıasynda Eýrazıanyń qor naryqtaryndaǵy ótimdilikti arttyrý joldary týraly aıtty.

Onyń aıtýynsha, QQS mólsherlemesiniń ósýi jalpy kapıtal naryǵyna áser etpeıdi. Alaıda, ol jekelegen kompanıalardyń qyzmetine áser etýi múmkin. Al salyqtyń jalpy deńgeıi kóterilse, bul lıstıńtelgen kompanıalarǵa aıtarlyqtaı yqpal etedi degen sóz emes. QQS mólsherlemesiniń artýy barlyq salalarǵa áser etedi, biraq kapıtal naryǵyna tikeleı qatysy joq.

Sondaı-aq ol ótimdilikti arttyrý úshin ınvestorlardyń qarjylyq saýattylyǵyn kóterý jáne olardy jergilikti naryqqa ınvestısıa salýǵa yntalandyrý qajet ekenin aıtady.

«Sonymen qatar áleýetti emıtenttermen korporatıvtik basqarýdyń ashyqtyǵy men bólinýinen qoryqpaý úshin jumys júrgizý qajet», deıdi Eýrazıalyq bırjalar federasıasynyń bas hatshysy.

Elimizde jańa Salyq kodeksi engizilmek. Onda QQS mólsherlemesin 12%-dan 16%-ǵa deıin kóterý máselesi talqylanyp jatyr. Keıbir salalar úshin QQS mólsherlemesi 0% nemese 10% bolyp belgilenýi múmkin, al keıbir salalar bul salyqtan múldem bosatylady.