Elorda ákimdigi "Astana turaq keńistigi" JSHS-men jasalǵan kelisimshartty buzyp, turaqtardy qala balansyna ótkizedi. Bul týraly elorda ákimi Jeńis Qasymbek málimdedi.

Ákimniń aıtýynsha, turaq máselesi ákimdiktiń Kólik basqarmasynyń qatań baqylaýynda bolýy kerek.

"Biz odan ári damýdy kórip turǵan joqpyz jáne qalada kólik quraldarynyń kóbeıýine jáne keptelisterdiń paıda bolýyna baılanysty máselelerdi sheshý jaǵdaıǵa áser etetin negizgi faktorlardyń biri dep sanaımyz. Sondyqtan dál osy másele ákimdiktiń kólik basqarmasynyń qatań baqylaýynda bolýy tıis dep esepteımiz. Bul kóptegen qalalarda qalypty tájirıbe, muny jergilikti bılik jasaıdy", - dep túsindirdi ákim.

Ákimnen turaqtardy bolashaqta jeke kompanıalarǵa berý jospary týraly suralǵanda, ol kerisinshe "qaıtarylyp" jatqanyn aıtty.