Ulytaý oblysy Jańaarqa aýdanynyń «Qazaqmys korporasıasy» JSHS «Jomart» kenishinde 640 metr tereńdikte shahtada taý massasynyń qulaýy oryn aldy.

Qulaý aımaǵynyń artynda shahtanyń 7 qyzmetkeri qaldy. Qazirgi ýaqytta «ASS Serıktes» JSHS qutqarý bólimshelerimen avarıalyq-qutqarý jumystary júrgizilýde.

Oqıǵa ornyna dereý Ulytaý jáne Qaraǵandy oblystary TJD kúshteri men quraldary, onyń ishinde kınologıalyq eseptoptar, Apattar medısınasy ortalyǵynyń medısına qyzmetkerleri men Qazaqstan TJM psıhologtary jiberildi, - dep jazylǵan habarlamada.

TJM Komandalyq ortalyǵy jáne Ulytaý oblysynyń TJD bazasynda jedel shtabtar jumys isteýde. TJM-de «jedel jeli» telefonynyń jumysy uıymdastyryldy. Telefon nómiri: 8 (7271) 55-96-21.

Oqıǵanyń mán-jaıy anyqtalýda.