Qazaqtyń belgili jazýshysy, dramatýrg, QR Memlekettik syılyǵynyń laýreaty Dýlat Isabekov ómirden ótti.

 Buǵan deıin jelide 82 jastaǵy jazýshynyń densaýlyǵy syr berip, aýyr halde jatqany týraly málimet taraǵan.

Dýlat Isabekov 1942 jyly Ońtústik Qazaqstan oblysy, Saıram aýdanynda týǵan. 1966 jyly Qazaq memlekettik ýnıversıtetin bitirgen. Jazýshy ár jyldary Qazaq KSR Televızıa jáne radıohabar jónindegi memlekettik komıtetinde aǵa redaktor (1967-1968), Qazaq Sovet ensıklopedıasy bas redaksıasynda aǵa ǵylymı redaktor (1968-1970), «Juldyz» jýrnalynda bólim meńgerýshisi (1971-1976), «Jalyn» baspasynda redaksıa meńgerýshisi (1976-1980), Qazaq KSR Mádenıet mınıstrligi repertýarlyq-redaksıalyq kollegıanyń bas redaktory (1980-1988), Qazaq teledıdarynyń bas dırektory (1988-1992), «Jazýshy» baspasynyń dırektory (1992-1995), Qazaqstan Jazýshylar odaǵynyń hatshysy, QR Mádenıettaný ǵylymızertteý ınstıtýtynyń dırektory bolyp eńbek etken.