Aýylym... Osy sózdi estigende júregimdi bir keremet sezim bıleıdi. Bul sezimdi sózben aıtyp jetkizý múmkin emes. «Aýylym altyn besigim» demekshi, ár adam úshin kindik qany tamǵan jer óte ystyq.

 Men Altynemel aýylynda dúnıe keldim. Aýylymnyń tabıǵaty, tasy, sýy, taýy, gúli tipti aýasynyń ózi keremet.

Aýylymnyń ornalasqan jeri - Jetisý. Bul aýyldyń aýasy taza,  sýy móldir, taýlary bıik.

Munda Altynemel ulttyq saıabaǵy bar. Ol Almaty oblysy Panfılov aýdanynda ornalasqan. Saıabaq 1996 jyly ashyldy.

  Saıabaq aýmaǵynda týrıserdi qatty qyzyqtyratyn biregeı tabıǵı qurylymdar men tarıhı eskertkishter ornalasqan. Shatqaldarda ejelgi adamdardyń tasqa qashap salǵan sýretteri men jazýlaryn kórýge bolady.

Qapshaǵaıdyń oń jaǵalaýynda kóptegen qorǵandar bar. Máselen, saq handarynyń qabiri, IV-VII ǵasyrlarǵa jatatyn taý saılarynda ár túrli janýarlardyń sýreti salynǵan jartastar bar.

Qysy sýyq, jazy ystyq. Qar az túskendikten, ol jabaıy janýarlardyń ómir súrýine qolaıly.

  Bul jerdiń topyraǵy qunarly, hloraǵa baı, ósimdikterdiń san alýan túrleri ósedi. Qazirgi tańda ósimdikterdiń 1500 túri bar, olardyń keıbiri qyzyl kitapqa engen. Saıabaqta 1976-1977 jyldardan beri bókender, 400-den astam qulan mekendeıdi.

 Altynemel saıabaǵynda arheologıalyq eskertkishter, saq jazbalaryna, ejelgi tańbalar men sýretter salynǵan, úńgirler men tastarǵa baı.

Saıabaqtaǵy «Ánshi Qum» İle ózenniń ańǵaryn boılaı ornalasqan. Bul Qumnyń uzyndyǵy 8 shaqyrym. Jelmen qosa áýen shyǵady, keı adamdar qumnan shyqqan áýen syrnaıdyń únine uqsaıdy deıdi.

  Bul tabıǵat qubylysy túnde shyǵystan soqqan salqyn jelden baıqalady. Týrıserdiń kóbi osy qumnyń basyna shyǵýǵa tyrysqan, biraq shyǵa almaǵan. Sebebi qumǵa batyp ketý qaýpi bar.

  Mine, aýylymnyń osyndaı orasan zor tarıhy men kóz tartarlyq jerleri bar. Kórikti, tylsym syrǵa toly jerde dúnıege kelgenimdi maqtan tutamyn jáne maqtanamyn.

Altyngúl Ómirzaqova

11-synyp oqýshysy