Búgin Astana qalasynda Ortalyq Azıa elderine týrne sheńberinde syrtqy ister jónindegi Eýropalament delegasıasynyń resmı sapary bastaldy. Eýrodepýtat Krıstıanom Dan Predoıdyń basshylyq etýimen delegasıa Astana jáne Almaty qalalaryna barýy josparlanǵan. Sapar barysynda QR Parlamenti, QR Syrtqy İster Mınıstrligi, QR Bas Prokýratýrasy, QR Qoǵamdyq damý mınıstrligi jáne Qazaqstannyń birqatar ǵylymı-analıtıkalyq ınstıtýttary men ýnıversıtetterinde kezdesýler ótkiziledi.
Taraptar EO men Qazaqstan arasyndaǵy parlamentaralyq áriptestiktiń birqatar mańyzdy máselelerin talqylaıdy, sonyń ishinde – saıası jáne ekonomıkalyq reformalar, zań ústemdigi, saýda jáne ekonomıkalyq áriptestik jáne halyqaralyq kún tártibiniń másleleri. Sonymen qatar, talqylaýlar adam quqyqtary men azamattyq qoǵamdy damytý, bilim berý jáne ǵylymı-zertteý máseleleri sıaqty birqatar yntymaqtastyq sektorlaryn qamtıdy. Sondaı-aq, energetıka, kólik jáne qaýipsizdik, terorızm, shekarany basqarý jáne esirtkiniń zańsyz aınalymyna qarsy kúres máseleleri qarastyrylady.
"21 jeltoqsan 2015 jyly qol qoıylǵan Keńeıtilgen áriptestik jáne yntymaqtastyq týraly kelisim – EO men EO-ǵa múshe memleketter jáne Qazaqstan arasyndaǵy yntymaqtastyqty odan ári nyǵaıtýdaǵy mańyzdy meje. Jańa Kelesim demokratıa men zań ústemdigi, jáne azamattyq qoǵammen yntymaqtastyq máselelereni asa kóńil bóledi. Kelesimniń saýda bólimi bıznes ókilderine retteýshi ortany jaqsartýǵa baǵyttalǵan. Sonymen qatar, Qazaqstan EO-nyń Ortalyq Azıadaǵy osyndaı jańa býyndaǵy kelisimge qol qoıǵan birinshi seriktesi", – dep atap ótti delegasıa basshysy Krıstıan Dan Preda.
2018 j. 2 aqpanda Eýropalyq Odaq pen Qazaqstan arasyndaǵy dıplomatıalyq qatynastardyń ornatlyǵanyna 25 jyl toldy. Atalǵan shırek ǵasyr barysynda ózara yntymaqtastyqtyń berik negizi qalandy. Astanada, EO pen Qazaqstan Respýblıkasynyń arasyndaǵy Keńeıtilgen áriptestik jáne yntymaqtastyq týraly kelisimine (KÁYK) 2015 jyldyń 21 jeltoqsanynda qol qoıyldy. KÁYK-niń negizgi bólimderi 2016 jyldyń 1 mamyrynan bastap ýaqytsha kúshine ene bastady. Kelisim 29 saladaǵy yqpaldastyq aıasyn keńeıtip, EO pen Qazaqstan arasyndaǵy saýda-ekonomıkalyq jáne ınvestısıalyq, energetıka, kólik, qorshaǵan ortany qorǵaý jáne klımattyń ózgerýi, jumyspen qamtý, eńbek qatynastary, mádenıet, bilim jáne ǵylymı zertteý salalaryndaǵy yqpaldastyqqa jol ashty. 1991-2014 jj. aralyǵynda EO Qazaqstanda jalpy somasy 180 mln quraıtyn 350-den astam jobany tikeleı qarjylandyrdy. Bul jobalar QR Úkimetiniń ár túrli mınıstrlikteri, vedomstvolary men komıtetterine saıası keńes jáne tehnıkalyq kómekke baǵyttaldy.
