Aqtóbe oblysy Ońtústik Koreıanyń aldyńǵy klınıkalarymen áriptestikti arttyrýda.

Aqtóbe oblysynyń ákimi Berdibek Saparbaev Ońtústik Koreıaǵa jumys sapary barysynda Seýl ulttyq ýnıversıtetiniń gospıtaline bardy.

Jetildirilgen medısınalyq mekemeniń prezıdenti Chan Sok So aımaq basshysyn densaýlyq saqtaý salasyndaǵy jańa tehnologıalarmen, ǵylymı-zertteý zerthanasynyń, onkologıalyq ortalyqtyń jáne radıologıa bóliminiń jumysymen tanystyrdy. Osy jerde Berdibek Saparbaev pen Qazaqstan Respýblıkasynyń Koreıa Respýblıkasyndaǵy Elshisi Baqyt Dúısenbaevtyń kezdesýi ótti.

Taraptar buryn qol qoıylǵan yntymaqtastyq týraly kelisimder aıasynda odan ári yntymaqtastyqtyń perspektıvalaryn talqylady.

Aqtóbedegi keshendi dıagnostıkalyq Check-up ortalyǵynyń qurylys jumystary barysyna erekshe nazar aýdaryldy. 5 mıllıard teńge turatyn joba Seýl ulttyq ýnıversıtetimen memlekettik-jekemenshik seriktestik aıasynda júzege asyrylýda. Medısınalyq ortalyqtyń biregeıligi – árbir adam barlyǵy 4 saǵatta tolyq tekserýden ótip, óz densaýlyǵy týraly barlyq aqparatty taba alady.

Berdibek Saparbaev qazirgi kezdegi qurylys kezeńinde Check-up ortalyǵy úshin mamandardy daıarlaýǵa erekshe nazar aýdarý kerek ekendigin atap ótti.

- Biz Ońtústik Koreıada da, Aqtóbede de bizdiń áriptesterimizdi Aqtóbege eń úzdik mamandarymyzdy jiberip sol jerde oqytamyz. Bul másele sizdiń aımaǵyńyzdyń densaýlyq saqtaý bólimimen tolyqtaı jasalatyn bolady, - dedi gospıtáldiń vıse-prezıdenti profesor Kvang Výng Lı.

Jumys saparynyń barysynda oblys ákimi Ońtústik Koreıanyń «Ense» ýnıversıtetiniń «Severans» gospıtaliniń bas dırektory Lı Bón Sokpen kezdesip, yntymaqtastyqtyń odan ári nyǵaıýyn talqylady.

Aıta keteıik, bıylǵy jyldyń basynda Lı Bón Sok jáne onyń basqarýyndaǵy gospıtáldiń ujymy Aqtóbe oblysynyń «Baqytty bala» jobasyna belsendi qatysyp, muqtaj balalarǵa keńester men joǵary bilikti medısınalyq kómek kórsetti. Sonymen, Ońtústik Koreıada kúrdeli patologıalary bar úsh aqtóbelik bala tegin emdeldi.