Oblys ákimdiginde «Aska Ekspo Ortalyǵy» qyzmetkerleriniń eńbek aqysyn tóleý máselesiniń qalaı sheshilip jatqandyǵy baıandaldy.

Oblys ákiminiń orynbasary Qaırat Bekenovtiń bastamashy top ókilderimen ótken kezdesýde "Aska Ekspo Ortalyǵy" JSHS-niń qyzmetkerleri aldyndaǵy jalaqy boıynsha bereshegine qatysty másele qaraldy. Qaırat Bekenov bastamashy top múshelerin tyńdap, osy jaǵdaıǵa baılanysty oblys ákimi Berdibek Saparbaevtyń tapsyrmasymen jumys toby qurylǵanyn habarlady. - Biz osy máseleni sheshý joldaryn talqylaýymyz kerek. Men JSHS – tiń basshylyǵymen sóılestim. Bul 2017 jyldyń sońynan bastap munaı kompanıalaryndaǵy uńǵymalardy jóndeý boıynsha servıstik qyzmet kórsetetin, óz isin endi bastap kele jatqan kásipker. Fırmanyń jańadan qurylǵanyn jáne kásibı basqarýdyń joqtyǵyn atap ótkim keledi. Birqatar sebepterge baılanysty kompanıa tapsyrys berýshiler aldyndaǵy mindettemelerdi oryndaı almady, taǵy da birneshe máseleler bar. JSHS jańadan qurylǵandyǵyn eskersek, bul jaǵdaıǵa fırmany paıda bolǵan qaryz úshin jaýapkershilikke tartý turǵysynan ǵana qaramaı, múmkindiginshe «Aska Ekspo Ortalyǵynyń» qyzmetine barynsha qoldaý kórsetýimiz kerek. Bul úshin is – áreket algorıtmi ázirlendi, biz fırmaǵa eńbekaqy boıynsha qaryzdaryn tóleýge kómektesý úshin qoldaǵy barlyq rezervterdi paıdalanamyz - dedi oblys ákiminiń orynbasary kezdesý barysynda. Qaırat Bekenov JSHS-ke qatysty suraqty oblys ákiminiń ózi tikeleı baqylaýǵa alǵandyǵyn, sondaı-aq bul máseleniń jaqyn arada sheshiletindigin aıtyp ótti. Óz kezeginde kompanıa qyzmetkerleri ózderine osy jaǵdaıdy túsindirip, usynys-shaǵymdaryn aıtýǵa alań bergenderi úshin alǵystaryn bildirdi. Oblys ákimi orynbasarynyń osy máseleni túpkilikti sheshýge deıingi ashyq dıalog júrgizý týraly bastamasy qoldaý tapty.