QR Premer-Mınıstri Serik Ahmetovtyń blogyna hat jazǵan Azamat atty jigit osy qumarlyq týraly máseleni kóteripti. Ol buǵan deıin de úkimet basshysynyń da, basshy sheneýnikterdiń de bolgtaryna birneshe ret hat jazyp, jaýap ala almaǵanyn aıtyp qynjylady. Al Azamattyń aıtyp otyrǵan máselesi et pen teriniń arasynda júrgen jelik emes, asqynyp ketse, uıyp otyrǵan otbasynyń oıranyn shyǵaratyn qaýipti dert. Qumarlyqqa basyń bir qaldy degenshe, baıaǵy baqytty kúnder basyńnan bul-bul ushty deı ber. «Meniń týǵan-týystarym men jaqyn dostarym «býkmekerlik keńse» degen «dertke» shaldyqqan,– deıdi ol. Bul keseldiń túri jaman. Ásirese jastardy «jalmap» jatyr. Jeńil jolmen aqsha tabýǵa qunyqqan olar jalaqylaryn qumarlyq oıynǵa túgel salyp jibergenimen qoımaı, bankten nesıe alady áıtpese bireýge qaryz alady. Óz úılerinen ózderi aqsha urlaıtyndary da bar!!!» Átteń, jaqyn-jýyǵynyń, dos-jarandardyń, jalpy qoǵamnyń salaýattylyǵyn oılaǵan jas jigittiń júreginiń túbinen shyńǵyryp shyqqan janaıqaıǵa nazar aýdarsaq etti. Elordanyń ár jer-ár jerinde býkmekerlik keńseler miz baqpaǵan qalpy qazdaı tizilip tur. Úkimet basshysy Azamattyń aryzyn qaraý úshin QR Qarjy mınıstrliginiń Salyq komıteti tóraǵasy A.Jumadildaevqa joldap jiberipti. Dáýletqalı Asaýov Baq.kz