Ustaz – ómir  boıy shákirt boıynan jaqsy qasıetterdi izdeýdi  qajet  etetin  kásip. Ol sonysymen  qundy. Ult rýhanıatyn dáripteıtin, onyń  qunyn  biler  shákirt  tárbıeleý – bizderge  paryz. Biliktilik – izdenýmen,  erinbeıtin   úlken eńbekpen   keletin  tájirıbelerdiń  nátıjesi. Osynyń  dáleli  retinde  aıtarymyz – Ál-Farabı atyndaǵy QazUÝ-ń daıyndyq kafedrasynda dáristen tys halqymyzdyń  ulttyq  rýhanıatyn  eseleýge,  ony nasıhattaýǵa  arnalǵan  is-sharalar dástúrli túrde ótip turady. Jastardyń rýhanı damýyna, adamgershilik izgi qasıetterdi boıyna qalyptastyrýda  bul sharalar óte  paıdaly, ózderiniń boıyndaǵy qabiletterin ashýda, kópshilik ortada ózin jaqsy jaǵynan úlgi retinde kórsete bilýde, qoǵamdyq sharalardy uıymdastyra bilý sıaqty ár túrli qyrynan tanylady.  Qyzyqty saıystar, bilim básekeleri, óner festıváldary jyl saıynǵy dástúrli merekelerge aınalǵan. Kafedradaǵy «Shamshyraq», «Jas tarıhshy», «Temirqazyq», «Ólketaný», «Jaýqazyn», «Tiltanym»,t.b. úıirmeler  bar, olar ótkizetin keshter men tárbıelik saǵattar taqyryp jaǵynan da, mán-maǵynasy jaǵynan da tereń, mańyzdy. Barlyǵy jas jetkinshekterge týǵan eldiń mádenıetin  tanystyrý, halqymyzdyń qundy rýhanıatyn  qurmetteý, tanymal tulǵalardyń ómiri men eńbekterin úlgi etý, ǵylym-bilimin sapaly ıgertý maqsatynda josparly ister atqarýda. Solardyń biri – «Shamshyraq» klýby. Bul klýbtyń maqsaty –  talantty jastardy  shyǵarmashylyqqa baýlý, ádebı-mádenı baǵyttaǵy bilimderin kóterý, halqymyzdyń rýhanı qundylyqtaryn nasıhattaý. Sondaı baǵytta  aqyn-jazýshylarmen qyzyqty keshter uıymdastyrý, syr-suhbat ótkizý, jataqhanada ózara ár túrli taqyryptarda pikirtalastar uıymdastyrý sharalary ótkiziledi. Klýb músheleri – ádebıet pen óner salasyn tańdaǵan jastar, olardyń quramynda burynǵy túlekter de  bar. Olar ár túrli oqý oryndarynda oqyp júrgen, keıbiri oqýlaryn  bitirip elge qyzmet etip júrgen túlekterimiz. Kezdesýlerge kelip ózderiniń osy joldan qalaı ótkenin, búgingi jetistikterine qalaı jetkenderin artta kele jatqan ini-qaryndastaryna sabaq retinde aqyl-keńesterin aıtady, shyǵarmashylyq baılanys ornatady. Kafedrada negizinen shetelden kelgen qazaq balalary oqyǵandyqtan qoǵamdyq ortaǵa beıimdeý, ózin erkin seziný, shyǵarmashylyq qoldaý kórsetý bizdiń basty nazarymyzda bolady. Sondaı baǵytta bıylǵy shákirtterimiz de klýb aıasynda  aýqymdy ister atqarýda. Eń eleýli is – klýbtyń aı saıynǵy qabyrǵa gazetin shyǵarý qolǵa alyndy. Onda jas talantty tyńdaýshylardyń tyrnaqaldy týyndylary jarıalanyp turady. Sonyń alǵashqy nómiri el Táýelsizdigi   merekesine arnalyp,  «Alash úni» degen atpen shyqty. Onda keshegi ult kósemderiniń jalyndy sózderi, sýretteri ilinip, sońynan búgingi sol arystarymyzdyń izin jalǵastyrýshy  jastarymyzdyń jalyndy jyrlary men tolǵaý-sózderi jarıalandy.  Aldaǵy sandar da jastardyń shyǵarmashylyǵyna arnalyp otyr. «Mýza»,  «Jas prozaık», «Kel, syrlasaıyq», «Qal qalaı, jas dos!», «Men – kafedramnyń úzdigimin» degen aıdarlar arqyly tyńdaýshylardyń shyǵarmashylyq, oqý-tárbıe máseleleri týraly máseleler nazardy bolyp otyrady. Bul talantty jastardyń shyǵarmalary stýdentter men oqýshylar arasyndaǵy  Á.Nurshaıyqov atyndaǵy respýblıkalyq shyǵarmashylyq baıqaýǵa jylda qatysyp, júldeli oryndarǵa ıe bolyp, aqshalaı syıaqylarǵa ıe bolyp keledi. Bıylǵy jyly da bul baıqaýǵa qatysyp, kafedramyzdyń túlegi,qazirgi SDÝ-diń fılologıa fakúltetiniń stýdenti Gúlden Ázilbek 3-oryndy jeńip alyp, talantynyń ushqyrlyǵyn tanytty.

J.S.Ádilhanova

JOO-deıingi daıyndyq kafedrasynyń aǵa oqytýshysy,

«Shamshyraq» klýbynyń jetekshisi