QR Bas prokýrory Asqat Daýylbaevtyń «Samuryq-Qazyna» Ulttyq ál-aýqat qory» AQ Dırektorlar keńesiniń tóraǵasy Serik Ahmetovtiń, «Samuryq-Qazyna» Ulttyq ál-aýqat qory» AQ Basqarma tóraǵasy Ómirzaq Shókeevtiń, Qazpochta» AQ  Dırektorlar keńesiniń  tóraǵasy  Qýandyq~Bıshimbaevtyń, «Qazpochta» AQ Basqarma tóraǵasy Árken Arystanovtyń Nazaryna! «Qazposhta» - poshta baılanysynyń ulttyq operatory qazaq tilinde qyzmet kórsetýden bas tartyp otyr. Bas tartyp qana qoımaı, qazaq tilin Afrıkany mekendeıtin Sýahılı taıpasynyń tiline teńegen. Osyndaı beıbastaq áreketi arqyly «Qazposhta» Qazaqstan Respýblıkasynyń memlekettiligin, memleket Táýelsizdiginiń birden bir nyshany bolyp tabylatyn qazaq tilin  memleket tildi qorlap, memleket qurýshy ult  halyqtyń 70 paıyzyn quraıtyn qazaq halqynyń ar-namysyn aıaqqa taptap otyr. Aıǵaq mynaý: «Arystan Patsha»  esimdi Tvıtter áleýmettik jelisiniń qoldanýshysy osy jelidegi «Qazposhtanyń» ókili «Kazpost» qoldanýshysyna qoıylǵan saýaldarǵa memlekettik tilde jaýap berýin suraǵan. Al, «Kazpost» bolsa: oqyrmandardyń arasynda sýahılıshe sóıleıtinder bar shyǵar. Sonda ár tvıtti aýdarýymyz kerek pe? Biz tanymal tildi qoldanamyz», - dep jaýap bergen. Tvıtterdegi «Qazposhtanyń» ókili óz atynan emes, «Biz» dep búkil «Qazposhtanyń» atynan «Oqyrmandardyń arasynda sýahılıshe sóıleıtinder bar shyǵar» dep azamattardy bólshektep, qoldanystaǵy zańdardy buzǵany bylaı tursyn, ultaralyq arazdyq týdyryp qylmysqa baryp otyr.  Munymen qoımaı «Sonda ár tvıtti aýdarýymyz kerek pe?» dep shirenedi. 100 paıyz memleket ıeligindegi mekeme qyzmetkeri memlekettik tilge murnyn shúıiredi. «Biz tanymal tildi qoldanamyz» degen «Qazposhtanyń» ókili óziniń shovınısik pıyǵylyn ashyq ańǵartyp, ásireorysshyldyǵyn áıgileıdi. Mundaı adamnyń túsiniginde qazaq halqy áli kúnge buratana, taıpalyq dárejede qalyp qoıǵan, tili de sol deńgeıdegi ult ekenin soqyrǵa taıaq ustatqandaı kórinip tur. Abai.kz aqparattyq portalynyń ujymy óz oqyrmandarynyń atynan «Qazpochta» AQ Dırektorlar keńesiniń tóraǵasy Qýandyq~Bıshimbaevtan, «Qazpochta» AQ Basqarma tóraǵasy Árken Arystanovtan joǵarydaǵy «Qazposhta» qyzmetkerin jumystan bosatyp jáne onyń BAQ-y arqyly qazaq halqynan, «Qazposhta» qyzmetin qoldanatyn barsha azamattardan keshirim suraýyn talap etemiz! Al, Bas prokýror Asqat Daýylbaev myrzadan memleketti, memlekettik tildi jáne qazaq halqyn qorlap, ultarazldyǵyn týdyrǵan «Qazposhta» ókilin zań aldynda jaýapqa tartýdy suraımyz!

Abai.kz