1960 jyldyń 1 aqpanynda afroamerıkalyq tórt stýdent Grınsboro qalasyndaǵy Výlvort (Woolworth’s)  atty shaǵyn dámhananyń ústelderiniń birine jaıǵasady da, kofege tapsyrys beredi.

Alaıda, daıashy qara násildi jigitterdiń tapsyrysyn qabyldaýdan bas tartyp, dámhanany bosatýlaryn suraıdy. Tórt qara násildi stýdent atalmysh dámhana jabylǵansha oryndarynan tapjylmaıdy. Olardy qýyp shyǵýǵa eshkimniń haqy joq edi.

Kelesi kúni dámhananyń ústelinde tunjyraǵan 12, úshinshi kúni 60 qara násildi otyrdy. Al tórtinshi kúni olardyń sany 400-ge jetti. Dámhanany túgeldeı afroamerıkalyq qara násildiler «jaýlap aldy», tipti syımaǵandary syrtta turdy. Bul jaǵdaıǵa alańdaǵan Výlvort basshysy dabyl qaqty! Endi biraz shydasa, dámhanany jabýdan basqa amal qalmas edi.

Osy jaıttan keıin búkil eldegi afroamerıkalyqtar qarsylyq bildire bastady. Sóıtip, AQSH ǵımarattarynda násildik erejelerdiń kúshi joıyla bastady.

Aqyrynda, tórt jyldan keıin, ıaǵnı, 1964 jyly násildik bólekteýdiń kózin joıǵan ataqty «Azamattyq quqyq týraly Zań» (Civil Rights Act) jasaldy. Bul - túsine, jynysyna nemese ultyna qarap kemsitýge tyıym salǵan AQSH-tyń azamattyq quqyq pen eńbek zańnamasy bolyp tabylady.  

Sýrette dál sol «Grınsboroda tapjylmaı otyrǵandar».

Álemdi tórt-aq adam da ózgerte alady.

Derekkóz: bigideas.ru

Usynǵan: Maqpal Sembaı