Qaı jerde bolsa da jumys isteı berińiz! Iá, dál solaı! Tek jumys isteıtin ornyńyzdy keńsege aınaldyryp alsańyz bolǵany...
Kelesi jumys ornyńyzdy tańdaý kezinde ne mańyzdy bolmaq? Joǵary jalaqy, qosymsha eńbek demalysy ma, álde jumys isteý ýaqytynyń yńǵaıly bolýy ma? Kópshiliktiń oıynsha, jumystyń jalaqysynan góri, belgili bir bostandyq mańyzdyraq eken. Iaǵnı, keńse kez-kelgen jerde bola beredi.
Bul jazbany jazýyma túrtki bolǵan sebep, keıde demalys kúnderi úıde jumys isteýge týra keledi.
Úıde jumys isteýdiń óz mashaqaty bar. Kezinde bundaı problema mektep, ýnıversıtet emtıhanyna daıyndalar kezde de bolǵan. Qarańyzshy: úı tap-taza, barlyq úı sharýalary tyndyrylǵan, tús aýyp ketken, biraq isteıtin jumysyńyz áli bastalǵan joq.
Nege úıde jumys isteý qıyn? Sebebi, tártip kerek jáne óz-ózińizdi jeńe bilý kereksiz. Ádette, úıde barlyq nársemen shuǵyldanýǵa bolady, tek jumys isteý qıynnyń-qıyny. Biz árıne tolyq keńse atmosferasyn úıde ornata almaspyz, degenmen, belgili bir belesterdi baǵyndyryp kórmekpiz.
1. Jumys ornyńyzdy yńǵaılastyryp alyńyz.
Úıde jumys isteý kezinde eń kereti nárse - jumys atmosferasy. Kınolarda kórgen bolarsyz, úı ıesiniń óz jumys bólmesi bar. Ondaıdy ómirde de kórgenmin, tanysymnyń ákesinde jeke úıinde jumys bólmesi bar edi. İshi anaý-mynaý dırektor kabınetinen kem emes. Jeke bólme bolmasa da, jumys isteý ornyn taǵaıyndaý da joqtan jaqsy. Jumys ornyńyz alańdadatyn teledıdar sıaqty dúnıelerden alshaq bolǵany durys.
2. Yńǵaıly jumys ýaqytyn paıdalanyp qalyńyz.
Jumys ýaqytyn baǵalańyz. Klıent nemese jumys berýshi jumys ýaqytyńyzdy taǵaıyndamasa, ony ózińiz taǵaıyndap alyńyz. Keıbir adamdar kúndiz, keı adamdar túnde jumys istegendi unatady.
3. Úıdegi dress-kod
Pıjama - ǵajap kıim. Biraq, tústen keıin áriptesterińizben telefon arqyly uıyqtap shyqqan kıimińizben sóılesip otyrǵan birtúrli bolar. Sondyqtan, úıde kostúmmen júrmeseńiz de, jumys isteıtin kezde úıdegiden basqasha kıim kıip júrseńiz, mindetti túrde jumys nátıjesine jaqsy áser etedi.
4. Tońazytqyshtyń ishin retke keltirińiz
Árıne, eger úıdegi tońyzytqyshty asha berý ádetińiz bolsa, onda durysyraǵy jaqyn mańaıdan arzanyraq keńse alyńyz nemese kovorkıng ortalyqqa baryńyz. Nemese, úıdegi tońazytqyshtan alyp jeıtin tamaqtardyń ornyna jemis-jıdek jeńiz. Jemis-jıdek jumysqa degen qabiletińizdi joǵaltpaıdy jáne qajet energıa beredi.
5. Kóbirek sý ishińiz.
Ózim burynnan osy tásildi paıdalanamyn. Sý tábetti azaıtyp, jumysqa degen qabiletti joǵarylatady. Mı jumysy da kóp energıany qajet etedi, sondyqtan sý paıdaly.
6. Úı erejesi.
Úıde jalǵyz bolsańyz, onda jaqsy. Eger jalǵyz bolmasańyz, ereje kerek. Jubaıyńyz jumys istep otyrǵanyńyzdy túsinýi kerek. Sondyqtan, kelisip alyńyzdar. Bul ásirese jubaıyńyz balamen demalysta otyrǵan bolsa, ereje mindette túrde kerek jáne bólek jumys bólmesi qajet bolady. Sebebi balanyń jylaǵan daýysy sizdi alańdatady.
7. Basqa álemmen baılanysty úzińiz.
Áleýmettik jeli, telefon shuqylaý sıaqty qajetsiz ádetterińizdi qysqartyńyz. Eger bularsyz otyra almasańyz, arnaıy ýaqyt bólińiz, basqa ýaqytta jumysyńyzdy isteńiz.
8. Blokpen jumys isteńiz.
Kúndi ýaqytqa bólip, ár ýaqytta tyndyratyn sharýalardy belgileńiz jáne sol kesteni saqtańyz. Bul josparlaýdy aldyn ala kelesi kúnderge de isteseńiz bolady.
9. Jatyǵý jasańyz.
Tańerteń jumys rıtmine kirý qıyn ba? Onda tańdy júgirýmen bastańyz. Sonda jumysqa tezirek enip, kúni boıy ózińizdi jaqsy sezinetin bolasyz. Tańerteń júgirýge shamańyz jetpese, kúndiz belgili bir ýaqyt saıyn 5-10 mınýt úzilis jasap, jattyǵý jasap mıyńyzdy tynyqtyryńyz. Fızıkalyq jattyǵýlar jasańyz.
10. Jumysyńyzdy jaqsy kórińiz
Jumys ónimdiligi, nátıjeńizdiń barlyǵy óz jumysyńyzdy qanshalyqty jaqsy kóresiz, soǵan baılanysty. Sondyqtan, jaqsy kóretin jumyspen aınalysyńyz. Bul barlyǵynan da mańyzdy.
Derekkóz: Forbes Chehıa Respýblıkasy jáne Microsoft korporasıasynyń qoldaýymen jazylǵan jazbadan alyndy
Usynǵan: Maqpal Sembaı
