Qazaq halqy daýdy da sózben sheshken dana halyq bolǵandyqtan, halqymyzdyń aýyz ádebıetinde ár taqyrypqa saı maqal-mátelder óte kóp! 

Qamshy.kz aqparat agenttigi er jigitterge qatysty maqal-mátelderdiń birshamasyn oqyrmandar nazaryna usynady.

Adam bolar jigittiń jary ózine laıyq.

Kerýen bastar jigittiń nary ózine laıyq.

***

Jas jigittiń jarasy jol – jónekeı jazylar. 

***

Jarly bolatyn jigitke qazaly mal tap bolar.

Jalǵyz bolatyn jigitke bedeý qatyn tap bolar. 

***

Jigitti toqtyq qosady,

Toqtyq qospasa, joqtyq qosady. 

***

Jigit jıǵanyn jemeıdi, buıyrǵanyn jeıdi. 

***

Jigitter, eseppen baıımyn deme,

Esebińdi esep buzsa, qıyn – dy. 

***

Er jigittiń ólgeni – essiz bolsa alǵany.

Ádil bıdiń ólgeni – sóziniń bolsa jalǵany. 

***

Kemel jigit keshirimdi.

***

Attyń azbasy – bestisi, 

Jigittiń azbasy – estisi. 

***

Kereneý jigitke kesapat joldas kez bolar. 

***

Tobylǵyny qatty dep,

Qamshyǵa sap qylady.

Kóregen jigitti ákki dep,

Qosynǵa bas qylady. 

***

Aqyldy jigit atqa da miner, taqqa da miner. 

***

Alǵany jaqsy jigit árqashan isin ońdaıdy.

Alǵany jaman jigit árqashan tisin qaırady. 

***

Jaqsy áıel – jigitke bitken baq,

Jaqsy jer, jaıly qonys – altyn taq. 

***

Jaqsy jigit aıaǵynnyń basyn qosady,

Jaman jigit jaqsy aǵanyń jolyn tosady. 

***

Tyrtaqaı jigitke jyrtaqaı áıel kez bolar. 

***

Jarly bolatyn jigit baıtalyn atqa satady,

Jalǵyz bolatyn jigit aǵaıynyn jatqa salady. 

***

Baı bolaıyn degen jigit aıyrbasshyl keledi.

Adam bolaıyn degen jigit qaryndasshyl keledi. 

***

Jalǵyz jigittiń shyǵar-shyqpas jany bar.

Eki aǵaıyndynyń moınyna ilgen taly bar.

Úsh aǵaıyndynyń  otarda baqqan maly bar.

Tórt aǵaıyndynyń aspanǵa salǵan joly bar. 

***

Jaman qatyn, shaban at, ótpes pyshaq - 

Er jigitti beredi ajalǵa ustap. 

***

Myrjyq jigitke yrjyq qyz óz Láılisi bolady. 

***

Qyrsyqqan qyz baı tappas, 

Qyrsyz jigit mal tappas.

***

Baıy ólgen qatyn kelinshek bolady,

Kedeı bolatyn jigit erinshek bolady.

Jınaqtap, usynǵan: Maqpal  Sembaı