Otstavkaǵa ketken Úkimettiń quramyndaǵy eks-mınıstrlerdiń artynda qandaı isi qaldy? Olar ózderi basqarǵan salaǵa qandaı reformalar engizip edi? Máselen, Erlan Saǵadıev pen Mádına Ábilqasymovanyń ornyn almastyrǵan  jańa basshylar burynǵy  mınıstrlerdiń qateligin qalaı túzeıdi? Bul týraly Qamshy.kz aqparat agenttigi Eýrazıa birinshi arnasynyń deregine súıenip habarlaıy.

“My delaem reformy, bári shýlap jatyr. Gazetter shýlap jatyr... Nemenege shýlap jatyr? Elderge túsindirý kerek”.

Jaqynda bolǵan bıliktegi aýys-túıis kezinde keıbir eks-mınıstrlerge áli  laýazym buıyrǵan joq. Solardyń biri – bilim salasyn basqarǵan Erlan Saǵadıev.  

 BEKBOLAT TİLEÝHAN, QR PARLAMENTİ MÁJİLİSİNİŃ DEPÝTATY:
«Talap mynaý, muny ózgertesiz. Búkil ıntellıgensıanyń talaby. «Saýat ashý» degenniń ataýyn qurtyńyzdar. «Álippeni» bizge qaıtaryp berińiz!»

Erlan Saǵadıevtiń tusyndaǵy este qalǵan reformanyń biri – osy. Bir ǵasyrdan astam tarıhy bar Álippeni "Saýat ashý" oqýlyǵymen aýystyryp, basy daýǵa qaldy. Qoǵamnyń reaksıasynan keıin Álippeni 0-shi synyptarǵa oqytatyn bolyp sheshti. Onyń ózin qashyp pysyp júrip túsindirdi jýrnalıserge. 

"Álippe» bolady. Sosyn 1-synyp Ana tilge kóshedi. 0-synypta «Álippe» bolady".

Eks-mınıstrdiń kezinde ǵalymdar qazaq tili úshin bir shý kótergen-di. Kúndelik.kz jobasyn engizgende de biraz dúrligip qaldy el-jurt. Ata-analar jańa reforma boıynsha basylǵan oqýlyqtardyń salmaǵynyń aýyrlyǵyn aıtyp narazylyǵyn bildirgen edi. 

"Alty jastaǵy bala norma boıynsha 2 keli kóterý kerek. Bul balalar kúnde 5,5-6 keli kóterýde. Onyń ishinde mektep balaǵa tegin tamaq bermegendikten ár ata-ana balasynyń sýyn, tamaǵyn salyp beredi. Odan bólek, dene shynyqtyrýǵa kıetin kıimderi men mekteptegi aýystyratyn aıaq kıimimiz bar". 

El-jurttyń osyndaı ókpe nazy men qordalanǵan máseleni Memleket basshysy eskerip, ótkne aptada Úkimetti otstavkaǵa jiberdi. Al kúni keshe jańa premerdi tanystyrý kezinde buǵan jekelegen mınıstrlikterdegi qordalanǵan máseleler yqpal etkenni aıtty. 

NURSULTAN NAZARBAEV, QAZAQSTAN RESPÝBLIKASYNYŃ PREZIDENTİ:
“Biraq, jekelegen mınıstrlikterdiń, ásirese áleýmettik saladaǵy vedomstvolardyń, jumysyndaǵy olqylyqtar búkil Úkimettiń otstavkaǵa ketýine ákep soqtyrdy”.

Áleýmettik salany týra bir jyl basqarǵan Mádına Ábilqasymova jańa jasaqtalǵan Úkimettiń quramynda joq ázirge.    

Úıreneri kóp edi. Ol istegen Úkimet otstavkaǵa ketpegende. Al, onyń kópbalaly analarǵa berletin azǵantaı járdemaqyny tym kópsingen bir aýyz sózi búkil eldiń jadynda qaldy. 

 MÁDINA ÁBİLQASYMOVA  QR EŃBEK JÁNE HALYQTY ÁLEÝMETTİK QORǴAÝ EKS-MINISTRİ:
“Ár anaǵa aı saıyn, ómir boıy 16160 teńge tólenip otyr. Bul járdemaqy tabysqa baılanysty emes”.

“Ár oblysta qandaı mamandyqtar kerek ekeni bar ǵoı, Berdibek? Ty kak korefeı, skajı”, - degeni taǵy bar.

"Bolashaqpen" oqyp, jeti jurttyń tilin meńgergen jas kadrlar sol korefeılerdeı bola almaı otyr. Eki-úsh oblysta ákim bolyp, kezinde ózi basqarǵan áleýmettik salaǵa Berdibek Saparbaevtyń mınıstr bolyp kelgenine qýanǵandar kóp. 

MAIRA AISINA,  QR PARLAMENTİ MÁJİLİSİNİŃ DEPÝTATY:
“Endi ondaı máseleni birden aıta qoıý qıyn. Bizge bári de ózimizdiń jigitter, qyzdar ǵoı istep júrgen. Bir jaǵynan olardyń bilikti, belsendi ekenin bilemiz. Kim biledi, qoldarynan qalaı keledi?". 

Sondaı-aq, Saǵyntaev basqarǵan Úkimettiń quramynda bolǵan mınıstrlerden Ulttyq ekonomıka vedomstvosyn basqarǵan Tımýr Súleımenov ázirge eshqandaı qyzmetke taǵaıyndalmady. Árkim san-saqqa joryp jatyr. 

Usynǵan: Gúlim Jaqan