Býffalodaǵy (AQSH) Hospıstiń jáne Pallıatıvti emdeý ortalyǵynyń dárigerleri on jyldyq zertteýdi aıaqtap, ǵajaıyp jańalyq  ashty, dep jazady Qamshy.kz aqparat agenttigi popmech.ru saıtynyń deregin negizge ala otyryp.

Krıstofer Kerr bastaǵan mamandar ólim aýzynda jatqan naýqastardy baqylap, ólimge deıingi aralyqta adamdar tylsym kórinisterdi kóre bastaıtyndyǵyn aıtady.Tekserý kezinde atalmysh qubylys 13 myńnan astam adamnyń ishinde 88 paıyzynan baıqalǵanyn anyqtaldy.

Naýqastardyń pikirinshe, 72 paıyzy dúnıeden ótken týysqandary men  dostaryn túsinde kórip, olarmen sóılesedi. Al 59 paıyzy sońǵy túsinde zattaryn jınap, bılet alyp, sońǵy saparǵa jınalyp jatqandyǵyn kóredi eken. Tipti keıbiri túsinde poıyzda otyrǵanyn, ushaqpen ushyp bara jatqanyn nemese erte ómirden ótken jaqyn dosymen birge emin-jarqyn áńgime aıtyp jatqanyn kóredi. 

Al 29 paıyzy ómirdegi jaqyndary men dostaryn túsinde keziktirse, Adamdardyń 28 paıyzy ótken ómirindegi jarqyn estelikter men túrli oqıǵalardy, kezinde keremet áser qaldyrǵan sátterdi túsinde kóredi. 

Al ólim aýzynda jatqan balalarǵa júrgizilgen zertteýdiń nátıjesinde olardyń tek ózderi biletin úı janýarlaryn túsinde kóretini belgili boldy. Olar janýarlardan bólek úlkenderdi de túsinde kóredi. Biraq kóbinese naýqas bala túsinde kimdi kórgenin esine túsire almaıdy eken.

Ǵalymdardyń aıtýynsha, adamdar dúnıeden ótýine 10-11 apta qalǵan kezde osyǵan uqsas tústerdi kóre bastaıdy.  Al 3 aptadan keıin mundaı tústerdi kórýi jıileıdi. Ári túsindegi oqıǵalar men adamdar anyq kórine bastaıdy. Bul qubylystyń mánin fenomen Kerı men onyń áriptesteri anyqtaı almaǵan. Sarapshylardyń aıtýynsha, óler aldyndaǵy mıdaǵy bolatyn ártúrli ózgerister tylsym túster kórýge sebep bolýy múmkin. Sondaı-aq bul jaǵdaı adamdardy tynyshtandyrýǵa jáne óler aldyndaǵy qorqynyshty jeńýge kómektesedi eken.

Aýdarǵan: Farıza Jomartqyzy