Qamshy.kz aqparat agenttigi oqyrmandar nazaryna oraza jaıly otyz hadısti usynady.  

1. «Kim Ramazan aıynyń orazasyn shyn ıman jáne yqylaspen ustasa, onyń buryn istelgen kúnálary keshiriledi». (Hadısti Ábý Hýraıradan (r.a.) ımam Buharı jáne ımam Múslim rıýaıat etti.)

2. «Uly Alla Taǵala aıtty: «Adam balasynyń tek orazadan basqa amalynyń barlyǵy ózi úshin. Al, oraza -  Men úshin, onyń saýabyn Ózim beremin». (Buharı., Mýslım).

3. «Jánnatta Raııan dep atalatyn qaqpa bar. Ol qaqpadan oraza tutqandardan basqa eshkim kirmeıdi. Qıamet kúni: «Oraza ustaǵandar qaıda?», – dep jar salynady. Oraza ustaǵandar turyp, sol qaqpadan kiredi. Olar kirip bolǵan soń, qaqpa jabylyp, odan basqa eshkim kirmeıdi». (Hadısti Sáhl ıbn Sadtan (r.a.) ımam Buharı jáne ımam Múslim rıýaıat etti.)

4. «Men Rasýlýllaǵa (s.ǵ.s.) baryp: «Maǵan bir amal buıyryńyz. Men sol amaldy oryndaıyn», – dep aıtqanymda, ol (s.ǵ.s.): «Oraza usta. Sebebi, onymen teń keletin amal joq», – dep jaýap berdi». (Hadısti Ábý Ýmamadan (r.a.) ımam Násáı rıýaıat etti.)

5. «Qaısybir pende Alla Taǵala jolynda bir kún oraza ustasa, Alla Taǵala sol kún úshin onyń júzin tozaq otynan jetpis jylǵa uzaq etedi». (Hadısti Ábý Saǵıd Ál-Hýdrıden (r.a.) ımam Buharı jáne ımam Múslim rıýaıat etti.)

6. Basqa bir rıýaıatta: (Alla Taǵala): «Ol óziniń tamaǵyn, sýsyny men shahýatyn Men úshin tastaıdy. Oraza men úshin, onyń syıyn Ózim beremin. Sondaı-aq, árbir jaqsylyq on eselenedi» degen. (Buharı)

7. «Oraza - qalqan. Kim oraza ustasa, ol kúni arsyzdyq jasamasyn, daýys kótermesin. Eger oǵan bireý uryssa nemese onymen daýlasqysy kelse: «Men orazamyn!», - dep aıtsyn. Muhammedtiń jany qolynda Bolǵannyń atymen ant etemin, oraza ustaýshynyń aýzynan shyqqan ıis, Allanyń qasynda jupar átirdiń ıisinen de jaǵymdyraq. Oraza ustaýshynyń eki qýanyshy bar; aýzyn ashqanda ashqany úshin qýanady jáne óziniń Rabbysyn kezdestirgende oraza ustaǵanyna qýanady (Buharı, Mýslım).
8. «Ramazan kelgende jánnattyń esigi ashylyp, tozaq esigi jabylady, shaıtandar kisendeledi». (Hadısti Ábý Hýraıradan (r.a.) ımam Buharı jáne ımam Múslim rıýaıat etti.)

9. «Sizderden birińiz oraza ustasa, jaman sóz aıtpasyn, daýlaspasyn! Ony bireý balaǵattasa nemese daýlassa, ol: «Men orazamyn», – dep aıtsyn». (Hadısti Ábý Hýraıradan (r.a.) ımam Buharı jáne ımam Múslim rıýaıat etti.)

10. «Kim jalǵan aıtýdan jáne jalǵandyqqa barýdan tyıylmasa, Alla Taǵala onyń ishpeı-jemeı júrgenin qajet etpeıdi». (Hadısti Ábý Hýraıradan (r.a.) ımam Buharı rıýaıat etti.)

11. «Sáresin ishińizder, óıtkeni sáresinde bereke bar». (Hadısti Ánas ıbn Málikten (r.a.) ımam Buharı jáne ımam Múslim rıýaıat etti.)

12. «Biz ben kitap ıeleriniń (Taýrat, Zabýr, İnjil ıeleriniń) orazalaryndaǵy aıyrmashylyq – sáresi ishý». (Hadısti Amr ıbn Astan (r.a.) ımam Múslim rıýaıat etti.)

13. «Alla Taǵala: «Quldarymnyń ishinde Men úshin eń súıiktileri – aýyz ashýǵa asyǵatyndary», – dep aıtady». (Hadısti Ábý Hýraıradan (r.a.) ımam Tırmızı rıýaıat etti.)

14. «Adamdardyń aýyz ashýdy keshiktirmeýimen amandyqqa kenelýi jalǵasady. Aýyz ashýdy keshiktirmeńder! Sebebi, ıahýdıler aýyz ashýdy keshiktiretin edi». (Hadısti Ábý Hýraıradan (r.a.) ımam Ibn Majáh rıýaıat etti.)
15. «Oraza tutýshynyń aýyzynan shyǵatyn ıis Alla úshin mısktiń (átirdiń) hosh ıisinen de jaǵymdyraq!» (Mýslım).

16. «Ony (ıaǵnı, Ramazannyń týǵan aıyn) kórip oraza ustaýdy bastańdar jáne ony (kelesi jańa aıdy) kórip oraza ustaýdy toqtatyńdar. Eger ol senderge kórinbese, onda shaǵbandy otyz kúnge toltyryńdar» (Buharı, Mýslım). Mýslımniń nusqasynda: «…eger kún bultty bolsa, onda otyz kún oraza ustańdar», - delingen.
17. Ábý Hýraıra (oǵan Alla razy bolsyn) bylaı dedi: Alla Elshisi (oǵan Allanyń ıgiligi men sálemi bolsyn) adamdardy Ramazan kezinde qosymsha túngi namazdardy oqýǵa talpyndyratyn. Biraq ony qatań buıyrmaıtyn. Tek: «Kim Ramazan kezinde ımanmen ári Alladan saýabynan úmit etip namaz oqysa, onyń ótken kúnálary keshiriledi», - deıtin.(Buharı, Mýslım)

18. «Shól basyldy, tamyrlar nárge toldy, Alla qalasa, saýap ta bizdi kútip tur» (Ábý Daýd 2357, ál-Báıhaqı 4/239).
19. «Kimde-kim aýyz ashsa, qurma-men ashsyn! Qurma tappasa, sýmen ashsyn, óıtkeni sý pák nárse». (Hadısti Salman ıbn Amırden (r.a.) ımam Ábý Dáýit jáne ımam Tırmızı rıýaıat etti.

20. «Rasýlýlla (s.ǵ.s.) únemi namaz oqýdan buryn aýzyn jańa úzilgen qurmamen ashatyn. Jańa úzilgen qurma bolmasa, keptirilgen qurmamen ashatyn. Ol da bolmasa, birneshe urttam sý ishetin». (Hadısti Ánas ıbn Málikten (r.a.) ımam Ábý Dáýit jáne ımam Tırmızı rıýaıat etti.)
21. «Oraza ustaǵandy tamaqtandyrǵan, oraza ustaǵannyń saýabyndaı saýap alady, ári oraza ustaýshynyń saýaby kemitilmeıdi». (Hadısti Zaıd ıbn Hálıd Ál-Jýhanıden (r.a.) ımam Tırmızı rıýaıat etti.)
22. «Nábı (s.ǵ.s.) Ýmmý amaraǵa (r.a.) kirgeninde, ol Nábıge (s.ǵ.s.) tamaq usyndy. Nábı (s.ǵ.s.): «Sen de alyp je», – dep aıtqanynda Ýmmý amara (r.a.): «Men orazamyn», – dedi. – Rasynda, oraza ustaǵannyń qolynan bireýler tamaqtanyp jatqan ýaqytta, perishteler oraza ustaǵan adamǵa ıgilik tilep turady, – dedi». (Hadısti Ýmmý ýmara Ál-Ansarıden (r.a.) ımam Tırmızı rıýaıat etti.)

23. «Múmın ólgende namaz bas jaǵynda, sadaqa oń jaǵynda, al oraza sol jaǵynda bolady» (Zákárıa Qandáhleýı, Fádáılú Aǵmál, 267-263).
    
    
24. «Ramazan aıynyń sońǵy on kúndigi kirgende Rasýlýlla (s.ǵ.s.) túni boıy namaz oqıtyn, otbasyn oıatyp, qulshylyqqa erekshe yjdaǵattylyq bildiretin». (Hadısti Aısha anamyzdan (r.a.) ımam Buharı jáne ımam Múslim rıýaıat etti.)
25. «Rasýlýlla (s.ǵ.s.) Ramazannyń sońǵy on kúndigin meshitte ótkizip: «Qadyr túnin Ramazan aıynyń sońǵy on kúndiginen izdeńder», – dep aıtatyn». (Hadısti Aısha anamyzdan (r.a.) ımam Buharı jáne ımam Múslim rıýaıat etti.)
26. «Umytshaqtyqpen jep ne iship qoıǵan adamnyń orazasy buzylmaıdy, óıtkeni, rasynda, ony tamaqtandyryp, sýsyndatqan – Alla»  (Ál- Býharı 1933, Mýslım 2/171).
27. «Kim Ramazan aıynyń orazasyn shyn ıman jáne yqylaspen ustasa, ári Qadir túnin shyn ıman jáne saýap úmitimen ótkizse, onyń buryn istelgen kúnálary keshiriledi». (Hadısti Ábý Hýraıradan (r.a.) ımam Násáı rıýaıat etti.)
28. «Men: «Ia, Rasýlýlla (s.ǵ.s.)! Men Qadir túni bolǵanyn bilsem, ne dep aıtamyn?», – dep suraǵanym-da, Ol (s.ǵ.s.): «Ia, Táńirim! Sen keshirimdisiń jáne keshirgendi jaqsy kóresiń. Meni ǵafý et!», – dep tile», – dedi». (Hadısti Aısha anamyzdan (r.a.) ımam Tırmızı rıýaıat etti.)
29. «Oraza men Quran qıamet kúni qulǵa shapaǵat etedi» (Ahmed b.Hanbál,Músnád, İİ, 174).
30. «Oraza – sabyrdyń jartysy» (Termezı, Dáýát,86).

 Jınaqtap, usynǵan: Maqpal Sembaı