Qazirgi ýaqytta kóp áıel alý úderisi qaıta jandanyp jatyr. Keı-keıde ǵalamtordan tórt-bes áıeli bar atqaminer azamattardy kórip qalsańyz, bet shymshıtynyńyz anyq. Ol túk emes eken. Kamerýndaǵy Bafý degen aımaqtyń bıleýshisi Abýmbıdiń İİ 100 áıeli bar bolyp shyqty dep jazady Qamshy.kz aqparat agenttigi.
Kóp áıel alýshylyq Kamerýnda zańmen shektelgen. Biraq bul tyıymdar Bafý dep atalatyn kishigirm aımaqtyń korolin alańdatpaıtyn sıaqty. Júz áıel!
Barlyǵyn alyp qashan úlgerip júr degen suraq týady ózdiginen. Sóıtsek, másele biz oılaǵannan ońaılaý eken. Atalmysh aımaqta ákeden balaǵa mura bolyp, taq pen mal-múlikten bólek áıel de qalady eken. Iaǵnı, ákesiniń úlkendi-kishili barlyq áıeli muragerdiń áıeline aınalady.
Abýmbı İİ ákesi qaıtys bolǵannan keıin óziniń birneshe jubaıyna qosa ákesiniń 72 áıeliniń jaýapkershiligin júktedi. Áıelderiniń jastary ártúrli bolǵanymen, olar ózara óte tatý turady. Úlkenderi kishilerine dástúr jarǵylaryn úıretip, aqyl aıtyp júredi. Al kishileri shet tilderdi meńgerip, úlkender aıtqanymen múltiksiz júrip-turýǵa tyrysady.
"Árbir jetistikke jetken er adamnyń artynda kemeńger áıel turady. Jáne ol jalǵyz bolmaýy kerek. Bizdiń saltymyz boıynsha, úlken áıelder tek kishilerge aqyl úıretip qana qoımaı, kúıeýimizdiń naǵyz koról bolýyna kómek jasaıdy", - deıdi Abýmbıdiń İİ úshinshi áıeli jýrnalıske bergen suhbatynda.
Bafý bıleýshisi de óziniń osynshama tilekshisi men qamqorshysy, qyzmet qylar jubaılary bar ekenine qýanyshty.
"Meniń maqsatym – eski dástúrlerdi saqtap, zamanaýı qundylyqtardy ishkerilendirý", - deıdi Abýmbı İİ.
Aıta keteıik, onyń tárbıe berý jaýapkershiliginde óziniń kindiginen, álgi 100 áıeldiń qursaǵynan taraǵan 500 balasy bar.
Derekkóz: Microsoft News
Aýdarǵan: Ádilet Mádenıet
