"Golos detı" atty reseılik baǵdarlamasynyń jeńimpazy Mıkella Abramova málimdeme jasady dep jazady Qamshy.kz aqparat agenttigi. Alsýdyń qyzy sońǵy daýly oqıǵadan keıin de óz karerasyn jalǵastyryp, án aıta beretinin aıtty. 

Onyń aıtýy boıynsha, baıqaýda jeńiske jetý ońaı bolmaǵan. 

"Alǵashynda men ne bolyp jatqanyn túsinbeı, tańǵaldym. Biraq men qýanyshtymyn. Meni qoldaǵandarǵa alǵysymdy aıtamyn", - dedi Mıkella. 

Sondaı-aq Alsýdyń qyzy bul óziniń alǵashqy baıqaýy ekenin ári aıtylǵan syndardy qabyldaýdy úırenbegenin aıtty. 

"Tikeleı efırde óner kórsetý óte qıyn. Bul meniń alǵashqy baıqaýym boldy. Men tek án aıtamyn. Al qazylar alqasy kelesi kezeńge ótkizý-ótkizbeýdi ózderi sheshedi. Men mundaıǵa daıyn bolmadym. Buryn konsertterde tek anammen birge án aıtatynmyn", - deıdi Alsýdyń qyzy. 

Sonymen qatar, ol jaqynda óziniń birneshe ánin jaryqqa shyǵarytynyn aıtty. 

Eske sala ketsek, Reseıdegi "Golos detı" baǵdarlamasynda Mıkella Abramova jeńiske jetken bolatyn. Alaıda kórermender baıqaýdyń ádil bolmaǵanyn aıtyp, shý shyǵardy. Kópshilik bul baıqaýda Erjan Maksım jeńýi kerektigin aıtqan. Olardyń qatarynda Alla Pýgacheva, Maksım Galkın, Vladımır Mıladze sekildi tanymal juldyzdar boldy. 

Aýdarǵan: Ásel Bolatqyzy