AQSH prezıdenti Donald Tramp Twitter-ge jazba qaldyramyn dep taǵy da basy daýǵa qaldy dep habarlaıdy Qamshy.kz aqparat agenttigi tmz.com saıtyna silteme jasap.

Óıtkeni oqyrmandar prezıdenttiń jazbasynan gramatıkalyq qate tapqan.

«Tramp eshqashan óziniń jazbalaryn bulaı tátti kúıinde usynǵan emes. Ol prezıdenttikke óziniń narazylyǵyn bildirgennen keıin, «urlandy» degen sózdiń ornyna baıqaýsyzda merekelik dastarhanǵa qoıatyn tátti týraly jazyp ketken», - dep baıandady tmz.com saıty.

5 mamyr kúni Amerıka prezıdenti, arnaıy prokýror Robert Múller onyń Reseımen «sybaılastyǵyn» anyqtaý úshin tergeý amaldaryn júrgizgendikten, prezıdenttiginiń eki jyly bosqa urlanǵanyn jazbaq bolǵan.

Alaıda, stolen (urlanǵan – red.) sózin, amerıkalyq basshy stollen dep jazǵan. Bir árip qate ketken sózdiń maǵynasy birden ózgergen. Óıtkeni, stollen nemisterden kelgen tátti nannyń ataýy. AQSH-ta bul taǵam Rojdestvo kezinde jıi jasalady.

Bir áriptiń artyq jazylǵanyn baıqaǵan Tramptyń oqyrmandary, prezıdenttiń qarny ashqan bolar dep, birden tátti nannyń qalaı daıyndalatyny týraly kúlkili pikirler qaldyrǵan.

Keıin Tramp tvıterdegi jazbasyndaǵy gramatıkalyq qateni birden túzetken.

Esterińizge sala ketsek, AQSH naýryz aıynda Tramptyń Twitter-degi jazbalarynyń jınaǵyn jasaǵan bolatyn.

Usynǵan: Marjan Sábet