Bıyl «Áleýmettik medısınalyq saqtandyrý Qory» Mańǵystaý fılıaly (ary qaraı –fılıal) oblystaǵy 55 medısınalyq uıymmen kelisim shart jasasty. Óńir boıynsha qańtar-aqpan aılarynda tegin medısınalyq kómektiń kepildendirilgen kólemi sheńberinde 22 247 naýqas emdelgen. Fılıal sarapshylary monıtorıń júrgizý barysynda 2019 jyldyń eki aıynda 572 ár túrli zań buzýshylyqtar bolǵanyn rastap otyr.
Fılıal mamandary medısınalyq qyzmet sapasyn basqaratyn elektrondy júıeni qoldaný arqyly kún saıyn stasıonarlyq jáne stasıonarlyq emdeýdi almastyrýshy medısınalyq kómekti baqylap otyrady. Baqylaý qyzmetti oryndaýshy medısınalyq mekemelerdiń reestrinen bastalady. Budan keıin kelisimshartty oryndaý xattamasy toltyryp, akt jasalady. Bul úrdis kún saıynemdelýge kelgen naýqastyń sanyna baılanysty bolady.
- Baqylaý kezinde qańtar-aqpan aılarynda 572 zań buzýshylyq oryn alǵany anyqtaldy. Barlyq zań buzýshylyqtardyń 6,3%-y, ıaǵnı 36 zań buzýshylyq medısınalyq qyzmet kórsetý baǵasynyń negizsiz qymbattaǵanynan bolyp otyr. Al 244 zań buzýshylyq, ıaǵnı 42,7%-y medısına qyzmetkerleriniń emdeý-dıagnostıkalyq sharalardan bas tartýynan týyndaǵan, - deıdi fılıaldyń medısınalyq qyzmet sapasyn monıtorıńteý bóliminiń basshysy Baspaeva Madına.
Madına Baspaevanyń aıtýynsha, qańtar-aqpan aılarynda Densaýlyq saqtaý sýbektileri qyzmetin tóleý erejelerinińkeıbir normalary buzylǵan, atap aıtsaq:
- medısınalyq nusqaýlyqsyz kómek kórsetý (30 zań buzýshylyq),
- naýqas týraly málimetti stasıonardaǵy naýqastardyń elektrondy reestrona durys engizbeý (133 zań buzýshylyq),
- naýqastyń jospardan tys qaıta aýrýxanaǵa túsýi (bir kúntizbelik aıda emdelgen aýrýyna qaıta shaldyǵýy) (6 zań buzýshylyq).
2018 jyldan bastap "Áleýmettik medısınalyq saqtandyrý qory" KEAQ, TMKKK paketiniń qarjy operatory qyzmetin atqaryp keledi, Qazaqstan Respýblıkasy Densaýlyq saqtaý mınıstirligi bekitken shart boıynsha, turǵyndar úshin medısınalyq qyzmetterdi satyp alady. Mańǵystaý fılıaly qyzmetterdi oryndaýshy klınıkalarmen jalpy somasy 25,886 mlrd teńgege 73 kelisimshart ornatyp otyr. Eki aı ishinde 1024,060 myń teńgeni quraıtyn 1 kelisimshart qyzmet kórsetýshi taraptyń qalaýymen buzyldy.
