Jyl saıyn 17 sáýir kúni kópshilik el Dúnıejúzilik gemofılıamen kúres kúnin atap ótedi. Osy maqsatta Dúnıejúzilik Gemofılıa Federasıasy men DDU aksıalaryna qosylady.
Gemofılıa – qannyń uıýyna áser etetin VIII jáne IX faktorlardyń jetispeýshiliginen týyndaıtyn jáne tuqym qýalaıtyn aýrý. Naýqastyń qany óte suıyq bolǵandyqtan, adam denesin soǵyp, uryp alsa, tis juldyrǵanda qan toqtamaıdy.
Álemde 400 myńǵa jýyq gemofılıaǵa shaldyqqan naýqas bar. Al Qazaqstanda 1273 adam tirkeýde tur, olardyń 34 paıyzy – balalar.
Gemofılıany emdeýdegi basty maqsat – suıyq qannyń aǵýyn toqtatý. Ol úshin quramynda qannyń qoıýlanýyna áser etetin preparat paıdalanylady. Dári donorlyq plazmadan, genno-ınjenerlik ádispen alynady.Qazaqstan mundaı preparatty 2010 jyldan paıdalana bastady. Dári naýqastarǵa memleket esebinen tegin beriledi.
Aıta keteıik, elimizde tegin dári-dármektiń shyn máninde muqtaj naýqastarǵa jetip otyrǵandyǵy SMS-habarlama arqyly qadaǵalanatyn bolady.Habarlamada reseptiniń nómiri men dáriniń berilgen kúni kórsetiledi. Preparattar shyn máninde qolyna tımegen pasıentter SMS-habarlamaǵa jaýap retinde «0» sıfryn joldaı alady nemese «SQ-Farmasıa» JSHS-niń 1439 baılanys nómirine qońyraý shalsa bolady.
«Mindetti áleýmettik medısınalyq saqtandyrý qory» Mańǵystaý fılıalynyń habarlaýynsha, 2019 jyldyń alǵashqy toqsanynda óńirimizde dári-dármekpen qamtamasyz etilmegen 12 jaǵdaı kezdesken.
Bıyl Qazaqstan búdjetinen gemofılıamen aýyratyndarǵa 7,1 mlrd teńge bólingen.
