Aqtaýda Qazaqstan Respýblıkasynyń Ulttyq Ulanynyń án-bı ansambli Qazaqstan Respýblıkasy  İshki ister mınıstrliginiń bastamasymen «Bizdiń Elbasy» aksıasy aıasynda óner kórsetti.

Konserttiń maqsaty - jastardy Otanǵa degen súıispenshilik pen ultjandylyqqa tárbıeleý, áskerı ómirdiń úzdik dástúri men urpaqtar sabaqtastyǵyn dáripteý.

 Gala-konserttik baǵdarlamany QR Ulttyq ulany bas qolbasshysynyń tárbıe jáne áleýmettik-quqyqtyq jumystar jónindegi orynbasary, general-maıor Muhametqalı Sátov ashty.

-Negizigi maqsat Tuńǵysh Prezıdent – Elbasynyń «Rýhanı jańǵyrý» jáne «Uly dalanyń jeti qyry» baǵdarlamalyq maqalalaryn túsindirý, azamattardyń Ulttyq ulan áskerı qyzmetshilerine, Ulttyq ulan jaýyngerleriniń erlik áreketterine  jáne olardyń atqaratyn qyzmettik-jaýyngerlik mindetterin  el-jurtqa keńinen ulaǵattap jetkizý,-deıdi Muhametqalı Sátov.

Sharanyń konserttik baǵdarlamasynda Murat Nurǵazıev, Ǵaını Jumasheva, Baýyrjan Turǵumbaev syndy elimizge eńbek sińirgen óner qaıratkerleri men Qazaqstan estradasynyń juldyzdary, halyqaralyq baıqaýlardyń laýreattary óner kórsetti.

Ulttyq ulan án-bı ansambliniń bastyǵy ári kórkemdik jetekshisi kapıtan Darhan Rahymǵalıevtiń jetekshiligimen urpaqtar sabaqtastyǵy men patrıotızm rýhyn sińirgen áskerı, klasıkalyq, halyq jáne ulttyq ánder shyrqaldy. Sondaı-aq, kelgen qonaqtarǵa  qazirgi zamanǵy estrada ánderi, álem halyqtarynyń bıleri usynyldy

Shara sońynda  Mańǵystaý oblysy ákiminiń orynbasary  Rýslan Sákeev, oblys ákiminiń atynan  shyǵarmashylyq ujymǵa alǵys hat pen yqylas gúlin tartý etti.