Búgin, 30 mamyr kúni tatýlasý jáne quqyq qorǵaý qyzmetteri ortalyǵynyń saltanatty ashylý rásimi ótti. Saltanatty rásimge baqylaý-qadaǵalaý organdarynyń, oblystyq sottyń, ádilet basqarmasynyń jáne Atyraý oblysy ákimdiginiń birinshi basshylary qatysty.
Aıta ketý kerek, Quqyq qorǵaý qyzmeti ortalyǵy bir jarym jyl buryn óz qyzmetin bastady, bıylǵy jyly mekeme ataýy ózgertildi jáne halyqqa kórsetiletin qyzmetter spektrin keńeıtti.

 

- Ortalyqta qosymsha psıholog, "Sot kabıneti" elektrondy servısi boıynsha jaýapty maman qyzmet kórsetedi jáne sýdıa ádebi jónindegi Komısıa músheleriniń qabyldaýy júrgiziledi», - dedi Atyraý oblysy prokýrorynyń aǵa kómekshisi Lýıza Karına.

 

Aıta ketý kerek, ataý ózgertilgenge  deıin ortalyqta  bilikti zańgerler, advokattar, medıatorlar, sot prıstavtary, notarıýstar, polısıa qyzmetkerleri, probasıa qyzmetkerleri jáne prokýrorlar qyzmet etti. Munda barlyq qyzmetter bir tereze qaǵıdaty boıynsha shoǵyrlanǵan.

 

- Búgin Atyraý oblysynyń árbir turǵyny bilikti zańgerlik kómek alýǵa quqyly. Oblystyń quqyq qorǵaý qurylymdary kúndelikti azamattar úshin barlyq qajetti jáne qolaıly jaǵdaılar jasaýǵa tyrysady »,- dedi Atyraý oblysy ákiminiń birinshi orynbasary Serik Shapkenov óz quttyqtaý sózinde.
Sol kúni Atyraý oblystyq prokýrorynyń, Atyraý oblystyq sotynyń tóraǵasy men zańgerdiń qatysýymen Quqyq qorǵaý jáne tatýlasý qyzmetteri ortalyǵynda oblystyq polısıa basqarmasynyń, oblystyq memlekettik kiris departamentiniń, oblystyq ádilet basqarmasynyń basshylary jáne Atyraý qalasy ákiminiń orynbasarynyń qatysýymen ashyq esik kúni ótti. Bul kúni Atyraý qalasynyń 50-ge jýyq turǵyny qyzyǵýshylyq týdyratyn máseleler boıynsha keńes aldy.

 

Eske sala keteıik, tatýlasý jáne quqyq qorǵaý qyzmetteri ortalyǵy Atyraý qalasy, Satpaev kóshesi, 25 meken-jaıynda ornalasqan.