Aıta ketsek, atalǵan vıdeo keshe áleýmettik jelilerde taraǵan. Kóp uzamaı "Atyraý munaı óńdeý zaýyty" JSHS túsinikteme berip, apattyń 26 aqpanda jergilikti ýaqyt boıynsha saǵat 18:30-da oryn alǵanyn naqtylady.

Býtenderdi olıgomerızasıalaý qondyrǵysynda qondyrǵyny iske qosýǵa arnalǵan tikeleı aıdaý benzıniniń kolektorynan bos qýys tabylǵan. Ónimdi tez yǵystyrý úshin bul jelige 15 kgs/kv sm qysymmen sý jiberildi.  

"AMÓZ" JSHS atalǵan jaǵdaı óndiris prosesine teris áser etpedi dep sendirdi.

Ónerkásiptik qaýipsizdik komıteti oryn alǵan apat saldarynan eshkim zardap shekpegenin naqtylady.

"Qazaqstan Respýblıkasy Tótenshe jaǵdaılar mınıstrligi Ónerkásiptik qaýipsizdik komıtetiniń Atyraý oblysy boıynsha departamentimen avarıany tergeý úshin arnaıy komısıa qurylýda", delingen vedomstvo habarlamasynda.

Tergeý nátıjeleri qosymsha habarlanatyny da eskertiledi.