Partıa tóraǵasynyń Birinshi orynbasary óńirge saparyn Atyraý oblysynyń ákimi Mahambet Dosmuhambetovpen birge Maqat aýdanyna qarasty Dossor kentinen bastap, osyndaǵy «Birlik» yqsham aýdanynyń turǵyndarymen kezdesti. Qarapaıym adamdarmen emen-jarqyn suhbattasyp, bıylǵy birinshi jartyjyldyqta partıa ókilderiniń elimizdiń barlyq óńirlerine baryp, Elbasy, partıa Tóraǵasy N.Á. Nazarbaevtyń baǵdarlamalyq memlekettik jáne partıalyq qujattarda berilgen tapsyrmalarynyń oryndalýyn qadaǵalaıtynyna, jergilikti jerlerdegi ózekti problemalardy zerdeleý arqyly halyqtyń naqty suranystaryn eskere otyryp, aýmaqtyq baǵdarlamalar ázirlenetinine toqtaldy.

Ótken jyldyń sońynda jergilikti BAQ-ta osy eldimekende ózekti bolyp otyrǵan temir jol arqyly ótetin jaıaý júrginshiler kópirin salý jaıynda másele kóterilgen edi. Osy jáıtti tilge tıek etken Baýyrjan Baıbek kezdesýge jınalǵan qaýymǵa partıanyń bul máseleden habardar ekenin jáne ony ýaqtyly sheshý sharalaryn qarastyryp jatqanyn jetkizdi.

- Estýim boıynsha, kent halqynyń kópshiligi bir jaqta turady, al temir joldyń arǵy jaǵynda eki mektep, bir balabaqsha ornalasqan. Sondyqtan qaýipsizdik úshin temir jol arqyly jaıaý júrginshiler kópiri kerek degen usynys oryndy. Biz osynda oblys ákimimen, memlekettik organdardyń oblystyq basshylarymen birge osy problemany sheshý jolyn talqylaý úshin kelip otyrmyz.

Jergilikti jerden saılanǵan depýtattarymyz bar, basqa da múmkindikter bar. Olar halyqpen birlese otyryp, jergilikti jerde jumys isteý kerek. Sony Elbasymyz da, Prezıdent te aıtyp otyr. Sol úshin qadaǵalap, búgin tıisti kezdesýlerdi ótkizip, osy máselelerdi qaraımyz, sheshemiz, - dedi Baýyrjan Baıbek.

Qazirgi ýaqytta oblystyq jáne jergilikti bılik ókilderi aldyn ala esepter júrgizip, kópir qurylysy úshin jobalaý smetalyq qujattardy ázirleýge qarajat bólý josparlanǵan. Onyń qurylysyn 2021 jyldyń ekinshi jartyjyldyǵynda aıaqtaý kózdelýde. Baýyrjan Baıbek jergilikti memlekettik organdardyń osy nysannyń qurylysyn jyldamdatýyn jáne turǵyndar kótergen basqa da máselelerdi partıanyń oblystyq fılıalyna baqylaýǵa alýdy tapsyrdy.

Kezdesý barysynda turǵyndar budan bólek kóshe jaryǵy, jol sapasy sekildi birqatar máselelerdi kóterdi. Óz kezeginde B. Baıbek bulardyń barlyǵy da nazarǵa alynyp, tıisinshe sheshimin tabatynyn aıtty.

 

 

 

Posmotret etý pýblıkasıý v Instagram

 

 

Atyraý oblysynyń Maqat aýdanyna qarasty Dossor poselkesiniń turǵyndarymen kezdestim. ⠀ Biraz ýaqyt buryn jergilikti BAQ-ta temirjoldy kesip ótetin jaıaý júrginshilerge arnalǵan kópir salý qajettigi týraly másele birneshe ret kóterilgen bolatyn. Osyndaǵy «Birlik» yqsham aýdany turǵyndarynyń basym bóligi temirjoldyń bir jaǵynda, al onyń ekinshi jaǵynda áleýmettik nysandar, onyń ishinde 2 mektep pen balabaqsha ornalasqan. Sol jerde osy máseleni qarastyrdyq. ⠀ Turǵyndar jol jóndeýge jáne ınjenerlik ınfraqurylymdarǵa qatysty basqa da ózekti máselelerdi kóterdi. Aıtylǵan máselelerdi sheshý partıalyq baqylaýǵa alyndy. Al jaıaý júrginshiler kópirine keletin bolsaq, aımaq basshylyǵy bergen málimet boıynsha, kelesi jyldyń ortasyna deıin salynady. Munyń naqty nátıjesi jurtshylyqqa habarlanady.

Pýblıkasıa ot Baýyrjan Baıbek (@baibekbk) 28 Ianv 2020 v 4:00 PST

Budan keıin partıa tóraǵasynyń Birinshi orynbasary saıası uıymnyń «Dossormunaıgaz» bastaýysh uıymy múshelerimen kezdesip, óz azamattarymyzdyń múddesin qorǵaý, olardyń áleýmettik jaǵdaıyna kóńil bólý, sheteldik jumys kúshin tartýdy shekteý máselelerine keńinen toqtaldy. Bul rette el Prezıdentiniń Ulttyq qoǵamdyq senim keńesiniń ekinshi otyrysynda osy másele boıynsha bergen tapsyrmasynyń sapaly oryndalýyna basa mán berdi. Sonymen birge B. Baıbek partıanyń óńirlerdegi bastaýysh uıymdarynyń jumysyn kúsheıtý, olardyń atqarýy tıis mindetterin tarata aıtyp berdi.

- Partıanyń bastaýysh uıymdary naqty máselelerge qatysýy kerek dep oılaımyn. Qaladaǵy turǵyn úı komýnaldyq sharýashylyǵy máselesi sıaqty naqty bir másele sheshilse quba-qup. Partıa músheleri ákimderden osylardy talap ete alady. Jaqynda ǵana osy aýdannyń ákimi esep beripti, keıbir adamdar estimeı, bilmeı qalǵan. Bári ashyq túrde bolýy kerek. Biz qazir bes jyldyq baǵdarlamany talqylaımyz. Sodan keıin ishki partıalyq irikteýdi jasaǵaly otyrmyz.
Elbasy, Nur Otan partıasynyń Tóraǵasy óńirdegi partıalastardy jınaǵan kezde «árbir máslıhatta 30 paıyz áıel adam bolýy kerek. Ár máslıhatta keminde 20 paıyz jastar bolýy kerek» dep aıtty. Ol degen bizdiń analarymyz, qaryndastarymyz kóterilý kerek degen sóz. Bizde saılaýshylardyń 52 paıyzy áıel adamdar eken. Eń qıyn jumystardy da áıel adamdar atqarady. Balabaqsha, bastaýysh mekteptiń bárinde áıelder jumys isteıdi. Áıel adamdardyń qoǵamdyq ómirde belsendiligi bar bolsa, olarǵa mindetti túrde jaǵdaı jasaý kerek.
Nur Otan partıasynan basqa bıleýshi kúshtiń joq ekenin kóbimiz bilemiz. Nur Otan -memlekettik emes uıym. Partıa úshin mınıstr, ákim barlyǵy birdeı.
Bizdiń negizgi maqsatymyz - Qazaqstannyń ósip-órkendeýi. Saıası ıdealymyz - Elbasy. Bizdiń eń úlken jetistigimiz – el Táýelsizdigi, - dedi partıa tóraǵasynyń Birinshi orynbasary.
Sonymen qatar B. Baıbek osy bastaýysh uıym janyndaǵy qoǵamdyq qabyldaýda birneshe azamatty qabyldap, kent turǵyndarynyń ótinishterin, kótergen máseleleri men usynystaryn tyńdady. Qabyldaýǵa kelgender turǵyn úı sharýashylyǵynyń, jaı-kúıi, turmysy tómen otbasylarǵa qoldaý kórsetý, áleýmettik ınfraqurylymdy jetildirý sekildi máselelerdi qozǵady.

Qoǵamdyq qabyldaýda bolǵan osy aýdannyń turǵyny, zeınetker Sábıt Halenov aýrýhananyń jylý júıesine jóndeý júrgizýdi jáne aýdan turǵyndaryn qosymsha jedel medısınalyq kómek kóligin bólý máselesin kóterdi.

Partıanyń jergilikti fılıalynyń tóraǵasy men aýdan ákimi zeınetkerdiń ótinishi oryndalatynyna, bıyl aýrýhananyń jylý júıesine jóndeý júrgiziletinin aıtty. Al aýdan turǵyndaryn qosymsha jedel medısınalyq kómek brıgasymen qamtamasyz etý máselesi boıynsha oblystyq densaýlyq saqtaý basqarmasymen birge ony oryndaýdyń naqty merzimi belgilendi. Bul máseleni «Nur Otan» partıasynyń máslıhattaǵy fraksıasynyń depýtattary turaqty baqylaýǵa alatyn boldy.

«Nur Otan»-nyń basshylyq quramynyń munaıly óńirge jasaǵan bul sapary ary qaraı Jylyoı aýdanyna ulasty. Partıa tóraǵasynyń Birinshi orynbasarymen kezdesýge aýdan basshylyǵy, aýdandyq máslıhat depýtattary qatysty. Munda Aýmaqtardy damytý baǵdarlamalary men partıanyń saılaýaldy baǵdarlamalaryn ázirleý jaıy sóz boldy. Kezdesýde sóz alǵan Baýyrjan Baıbek depýtattyq fraksıanyń jumysyn kúsheıtý, saılaýaldy baǵdarlamany ázirleýde jańa tásilderge júginý jaıyn qozǵady. Ásirese, bul mańyzdy qujatty daıyndaýǵa jáne ony jan-jaqty talqylaýǵa partıalastardyq barynsha belsendilik tanytqandary jón ekenin jetkizdi.

İssapardyń birinshi kúniniń sońyn Baýyrjan Baıbek partıanyń Jylyoı aýdandyq fılıalynyń partıalyq kadrlyq rezervine qatysýshylarmen kezdesý arqyly túıindedi.

Bas qosýda partıa tóraǵasynyń Birinshi orynbasary partıalyq jaýapkershilikti kúsheıtý qajettigine toqtalyp, Elbasy usynǵan partıany jandandyrý baǵdarlamasynyń ekinshi kezeńine aıaq basqanymyzdy atap ótti. Bul rette saıası uıymdy odan ári sapalyq turǵydan nyǵaıta túsý úshin «jigerli lıderler – qýatty partıa» tujyrymdamasyn berik ustanýdy usyndy.

Osy maqsatta úsh máselege nazar aýdarýdy usyndy. Birinshiden, el ishindegi bilimi men biligi mol, sózi ótimdi, isker de bedeldi jandardy partıa mańyna tartyp, olarǵa óz oılary men ıdeıalaryn, qarym-qabyletin iske asyrýǵa múmkindik berý mańyzdy. Ekinshiden, árbir óńirdiń ereksheligi men naqty máselelerin esepke ala otyryp, arnaıy baǵdarlamalar jasaý, sodan keıin osyny halyqqa jatyq ta jeńil tilmen túsindirý jumystaryn júrgizý qajettigine toqtaldy. Osyndaı ozyq saıası tehnologıalardyń biri retinde praımerızdi atady.

- Biz árbir óńirde praımerız ótkizemiz. Naýryzda Saıası keńestiń otyrysy bolady. Sol kezde praımerız ótkizý tártibin bekitemiz. Qazir pılottyq joba ótti. Sáýir-mamyr aılarynda naqty praımerız ótkiziledi. Qazaqstan boıynsha 920 myń adamdy uıymdastyryp, halyqqa biz múmkindiginshe ózimizdiń saıasatymyzdy túsindirýimiz kerek. Halyqty biriktirýimiz qajet. Partıa degen qural. Bizdiń maqsatymyz - bılikke kez kelgen salada daryndy, adal, bilimdi azamattardy keltirý. Buǵan ishki partıalyq irikteý múmkindik bermek. Praımerız ótkizý tártibi bekitilgen soń ony ózderińizge jiberemiz, - dedi B. Baıbek.