12 aqpannan beri jańadan ázirlengen oqýlyqtardyń mazmunyna qoǵamdyq talqylaýlar júrgizilip jatyr, dep habarlady Oqý-aǵartý mınıstrliginiń Respýblıkalyq ǵylymı-praktıkalyq bilim mazmunyn saraptaý ortalyǵy.

"Oqý ádebıetterin qoǵamdyq talqylaý" saıtynda oqýlyqtar mazmunynyń sapasy, qurylymy, ádistemelik tásilderi, baıandaý tili men bezendirilýine qatysty qoǵam men ǵylymı-pedagogıkalyq qaýymdastyq ókilderi syndarly pikirlerin bildire alady. Onda jańadan ázirlengen oqýlyqtar bar:

3-synyp úshin "Eńbekke baýlý", "Beıneleý óneri", "Orys tili" (orys tilinde oqytatyn mektepter úshin), shet tilderi (aǵylshyn, fransýz);

3,9-11 synyptar úshin "Nemis tili";

5-9 synyptarǵa arnalǵan "Jahandyq quzyrettilik" oqýlyqtary qaǵaz nusqada; 

3-synypqa arnalǵan "Sıfrlyq saýattylyq/ Sıfrovaıa gramotnost páni boıynsha elektrondy oqýlyqtar.