1983 jyly dúnıege kelgen. Aqyn, aýdarmashy. Óleńderi Respýblıkalyq merzimdi BAQ betterinde jarıalanyp turady. Aǵylshyn tilinen Rabındranat Tagor, Emılı Dıkınson syndy aqyndardy aýdarǵan.

**** Bala kúndeı oınar edim alysyp, Ájimimmen bolǵan joqsyń tanysyp. Súıe almadym, Bútin jyrdyń betińe Bir áribi keteme dep jabysyp... Sál jymıdyń, Jeter maǵan osy da, Edigári hat jazbaımyn, shoshyma ! Otyramyn arqar – arman tóstigin, Kirpigimmen qaqtap kózdiń otyna. Óziń jaıly jaryma da shaǵynyp, Tyndym aqyr taǵdyryma baǵynyp. Hattaryńnan qaıyq jasap baladaı Kóp oınadym kóz jasyma aǵyzyp. Marqum bolǵan mahabbattyń (endi joq), Oıla meni hatymyna keldi dep. Sary japyraq júregimnen tógilgen, Sybyrlaıdy saǵynyshtyń erni bop. ********

Jaraly habar. Qaljyrap Tústi áreń kókjıekten tań qulap. Tońazyǵan sáýleleri kúnniń de, Synyp túsip jatyr jerge saýdyrap. Shırǵa alyp ketip sol bir shaqtardan, Qamsyzdyqtyń qarynyn kim aqtarǵan? Qasirettiń kezdigi ol keskiler, Jalǵyzdyqtyń jezimenen saptalǵan. Aqsha bult aq kebinindeı aǵarǵan, Ketti ol kókke, Jan ed nurdan jaralǵan. Qolym bulǵap júgiremin jaǵalap, Shyǵa almaı ómir deıtin araldan. Sol qaraly habar jetip taralyp, Qara jerge urdy meni taǵy alyp. Aq tamshylar japqan san myń qarashyq, Qaraly únnen bara jatty aǵaryp. Ajal ketti ázirge alyp keregin, Biledi tek qara tabyt deregin. Súıip sýyq mańdaıyńnan, Ólimge Baramyn dep men de ýáde beremin, Qosh bol, inim !   *******

Sýret bolmas munan asyl, Sekildi jatqan ǵajap quranda syr. Jer – ana, ózen – jipti sýyrytpaqtap, Kókshil kóldiń beline orap jatyr. Tań edi tamyljyǵan tamyz áni, Tolqyǵan terek jasyn aǵyzady. Kún eritip aqsha bult – balmuzdaqty, Taýlardyń tańdaıyna tamyzady. Kúnine neshe jylap, neshe kúlgen, Kók aspan keń sıaqty keshegiden. Ekpetinen túsedi dańǵoı quıyn, Kók shalǵyn tartyp qalyp eteginen. Dalanyń jetkeninshe muńly keshi, Shyǵady kúle-kúle kúnniń esi. Tynymsyz shapqylaıdy qosaıaqtar, Baılanǵan quıyryǵyna tirlik oty, Jan júıemdi jaýlap bul jatty jaryq, Qushaqtap súıip turdym tasty da anyq. Bılerin qyzyqtaımyn qumyrysqanyń, Kózden aqqan sharapqa mas qyp alyp..!  

Múıizi keýdemdi osyp, shymyrlatyp, Barady qaıda júrek – buǵym qashyp ? Kók aspan túshkiredi, Keńsirigin Kók terektiń jas búri jybyrlatyp. Janymdy tek jyr ǵana jaýlap alyp, Bettep bara jatyrmyn baýǵa qańǵyp. Kindigin kóktemeniń kesemin dep, Kezdigin jatyr aspan taýǵa janyp. Butaǵyna asylyp ǵasyr ólgen, Nege sonsha jabyrqap jatyr emen ? Jas tolqyn jaǵalaýǵa eminedi, Jas qozydaı úıshiktiń tasyn emgen. Qalarsyń qalǵyp ketken bal bóbek dep, Boz jýsan qar astynda-aq aldy kóktep. Alǵashqy samal maǵan soǵylady, Jańa týǵan botadaı táltirektep ! Qara bulytqa artyp ap shańyraǵyn, Qys attanyp barady, ańyramyn. Túbinde aq qar qalǵan órim taldar, Arýdaı qushaqtaǵan aq laǵyn ! Aldymnan ashylǵandaı dápter uly, Qara jer maǵan sondaı pák kórindi. Shirkin-aı, qandaı ystyq Qatal qystyń Topyraqqa aınalǵan aq kebini..! ******** Aqyn edim aspanǵa urǵan ataǵyn, Biraq, oda joq-aý seniń shataǵyń. Súıretilip júresiń be, Aý, saǵynysh, Myń sarjan bop ósse de aq saqalym ? Ne ǵajap bul ? Myń bulqynyp muń aldan, Qýat alar samaıdaǵy qyraýdan. Men Altaıdyń aqıyǵy em, amal ne, Túlki – dúnıe sheńgelinde buralǵan ! Keńistikte kóterip jer – basymdy, Oıanamyn mazalap myń ǵasyrdy. Núkte basyp sýret salǵan sábıdeı, Júldyzdarmen jazyp alam atyńdy. Tússem keıde shattyq – shyńnyń basynan, Bir jylyńmen bir izimdi jasyram. Ýaqytqa qalaı ólshem qylamyn ? Saǵat deıtin sheńberdi sol "sasyǵan". Qasha almaımyn. Jáne nesin qashamyn ? Jas beıneńdi kókiregime basamyn. Máńgilikke bastaım seni, Jolyńda Tabanyńa tóselip aq saqalym. Qalaý Sálemetbaıully

********** Caǵynysh-aý, men – taǵdyrǵa tostaǵan, Kóz jasymmen tolamyn da, Bos qalam. Bir jymıta almas seni júz jyrym, Aqynmyn dep aıta almaspyn tek saǵan ! Arda Altaıdy júregimmen kóshirip, Alataýda eleńdeımin, esirip. Men ózińdi kútip ótem, Samaıda saǵan arnap appaq gúlder ósirip... Júrektegi (tamyp qalam – burǵydan ) Seniń atyń bop jazylyp turdy qan. Sılaý úshin kóz jasymdy kirshiksiz, Janarymda ómir boıy tundyram... Kemedeıin kele jatqan seń buzyp, Tym uzaqqa tóze de almas endi úmit. Ájimimmen atyń jazyp júzime, qalam qatyp taǵdyryma telmirip.