Mekke meshitteriniń birinde aqsham namazy ýaqytynda musylmandarmen birge aýyzashar ýaqytyn kútken mysyqtyń bul qylyǵy barsha jurttyń tańdanysyn týdyrdy.
Meshitte jaıylǵan dastarhan basynda aldyndaǵy tamaqqa tıispeı, musylmandarmen birge aýyzashar ýaqytyn kútip otyrǵan mysyq jaıly foto áleýmettik jeli qoldanýshylary arasynda qyzý talqyǵa túsip, qaralym sany sharyqtap ketken.
Ahmet ál-Jaýharı esimdi azamat: «Mysyqtyń ózi oraza ustaǵan adamdardy syılap, solarmen birge aýyz ashýdy kútip otyr. Mysyqtyń boıynda erekshe qasıeti bolsa kerek», – degen pikir qaldyrǵan.
«Óte sırek kezdesetin jaǵdaı. Mysyq musylmandarmen birge bir dastarhanda otyr. Bir qyzyǵy, aldynda turǵan taǵamdy túrtpeı, aýyz ashar ýaqytyn kútip otyrǵany tań qaldyrady. Mundaı qasıeti Allanyń ózi berip otyr», – dep jazǵan eken Azaıı Buharı esimdi qoldanýshy.
