Alibaba Group kompanıasynyń negizin qalaýshy Djek Ma Prezıdent Teleradıokeshenine suhbat berdi dep jazady Qamshy.kz aqparat agenttigi. Suhbat barysynda Djek Ma Toqaevpen kezdesýdiń óte jaqsy ekenin aıtty. 

Qazaqstan Prezıdenti Qasym-Jomart Toqaevpen tańǵalarlyqtaı kezdesý boldy. Ol myqty kóshbasshy jáne ol óte qatty shabyttandyrady. Onyń óz eline degen mahabbaty men qushtarlyǵy maǵan qatty áser etti... Bul tamasha kezdesý boldy. Men Qazaqstanǵa 3-4 ret barǵanmyn. Ár barǵan saıyn Qazaqstannyń tabıǵaty, qazaq halqynyń batyrlyǵy men eńbeksúıgishtigi meni tańǵaldyrdy. Qazaqstanǵa barǵan saıyn kóptegen qyzyqty oryndarda bolamyn... Men sizderdiń eldi jaqsy kóremin, onyń mádenıetin jaqsy kóremin jáne jańa dostar tabýdy unatamyn. Sizderde Gennadıı Golovkın sıaqty batyr bar! Sizderdiń halyq óte qonaqjaı", - deıdi Djek Ma.