Jemqorlyq jaılaǵan joǵary oqý oryndary qandaı?

/image/2019/11/01/crop--2_33_262x466_5d15b0617ddead0c01966a1edbc23a87_resize_w_520_h_.jpg

«Nur Otan» partıasynyń Ortalyq apparatynda Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń otyrysy bolyp, onda «Taza sesıa» jalpyhalyqtyq aksıasynyń aralyq nátıjeleri talqylandy. «Jas Otan» jastar qanatynyń tóraǵasy Dáýlet Káribek aksıanyń qorytyndylary týraly habarlady.

Sonymen, «Jas Otan» belsendileri Qazaqstannyń barlyq aımaqtaryndaǵy 15 myńǵa jýyq stýdent arasynda anonımdi saýalnama júrgizdi. Stýdentterdiń 12,8% joǵary oqý oryndarynda sybaılas jemqorlyq bar dep kórsetken. Demek, saýalnamaǵa qatysqan árbir 8 stýdent bilim ordalarynda sybaılas jemqorlyqtyń bar ekendigin rastaıdy jáne árbir 12 stýdenttiń para bergeni aıqyndaldy. Sondaı-aq ýnıversıtetterde emtıhan tapsyryp, dısertasıa qorǵaǵannan keıin dastarhan jaıý jáne syılyqtar berý t.b. «dástúrge» aınalǵan.

Saýalnama negizinde stýdentter jemqorlyq faktileri oryn alady dep kórsetken bes JOO reıtıńi jasaldy:

1.H. Dosmuhamedov atyndaǵy Atyraý memlekettik ýnıversıteti;

2. Atyraý munaı gaz ýnıversıteti;

3. Qaraǵandy memlekettik medısınalyq ýnıversıtet;

4. M. Ospanov atyndaǵy Batys Qazaqstan memlekettik medısınalyq ýnıversıteti;

5. Q.Jubanov atyndaǵy Aqtóbe óńirlik memlekettik ýnıversıteti.

– Saýalnamanyń nátıjesinde, stýdentter oqý oryndaryndaǵy jemqorlyqty týdyratyn sebepter retinde mynalardy atady: profesorlyq-oqytýshylyq quramnyń jalaqysynyń tómendigi, stýdentterde óz betinshe bilim alýǵa degen qyzyǵýshylyqtyń bolmaýy, muǵalimderdiń de, stýdentterdiń de júktemesiniń kóptigi, jataqhanalarda oryndardyń bolmaýy, – dedi Dáýlet Káribek.

Qoǵamdyq keńes músheleri joǵary bilim salasyndaǵy sybaılas jemqorlyqqa qarsy sharalardy tıimdi júzege asyrý stýdentter men oqytýshylardyń belsendi qatysýynsyz júzege aspaıtynyn atap ótti. Jemqorlyqqa qarsy is-qımyldyń tabysty júrgizilýine memleket qana emes, árbir azamat, qoǵam, sonymen qatar jastar da jaýapty. Shynynda da, kóptegen salada, sonyń ishinde bilim berý men eńbek naryǵynyń baǵyttaryn belgileıtin osy jas býyn.

Óz kezeginde Qoǵamdyq keńes tóraǵasy Omarhan Óksikbaev Bilim jáne ǵylym mınıstrligine, joǵary oqý oryndarynyń rektorlaryna ýnıversıtetterdegi sybaılas jemqorlyqtyń aldyn alý úshin keshendi sharalar qabyldap, jan-jaqty áleýmettik zertteýler jasap, sol zertteýler negizinde sybaılas jemqorlyq deńgeıi boıynsha joǵary oqý oryndarynyń qoǵamdyq reıtıńin engizý qajet ekenin aıtty.

Jemqorlyq jaılaǵan joǵary oqý oryndary qandaı?

Pikir qaldyrý

Qatysty Maqalalar