2025 jyly Qazaqstanda 323 shaqyrym jylý jelisin kúrdeli jóndeý jáne rekonstrýksıalaý josparlanyp otyr. Bul týraly Úkimet otyrysynda Energetıka vıse-mınıstri Suńǵat Esihanov málimdedi.

Onyń aıtýynsha, bul jumystarǵa jalpy kólemi 89,7 mlrd teńge ınvestısıa tartý kózdelgen. Sonyń ishinde 75,7 mlrd teńgesi – búdjet qarajaty, al 14 mlrd teńge – kásiporyndardyń tarıftik smetasy sheńberinde qarastyrylady.

Budan bólek, bıyl qabyldanǵan “Energetıkalyq jáne komýnaldyq sektorlardy jańǵyrtý” ulttyq jobasy aıasynda qosymsha 129 shaqyrym jylý jelisi jańǵyrtylmaq. Bul maqsatqa 98,7 mlrd teńge ınvestısıa tartý josparlanǵan.

Sondaı-aq jylý jelilerin qaıta qurý jáne jańǵyrtýdyń 56 jobasyn iske asyrý úshin qosymsha 103,3 mlrd teńge qajet. Onyń ishinde 28 jobany aıaqtaýǵa – 37,3 mlrd teńge, al taǵy 28 jańa jobany iske asyrýǵa – 66 mlrd teńge kerek, dedi vıse-mınıstr.