Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti Jýaly aýdanynyń №4 mektebi dırektorynyń atyna qońyraý shalyp, ózin agenttik tóraǵasy retinde tanystyrǵan belgisiz azamatqa qatysty tergeý júrgizdi.

Tekserý nátıjesinde qońyraý shalǵan adamnyń Atyraý oblysynda turatyny jáne onyń jeke basy anyqtalǵan.

"Ol ózin Sybaılas jemqorlyqqa qarsy qyzmettiń tóraǵasy retinde kórsetip, buǵan deıin eńbek tártibin buzǵany úshin (jumys ornynda mas kúıinde bolǵany úshin) jumystan bosatylǵan qyzmetkerdi qaıta jumysqa qabyldaýǵa yqpal etýdi suraǵan", – delingen resmı habarlamada.

Atalǵan fakti boıynsha 8 mamyrda Polısıa departamenti QR ÁQBtK 73-3-baby 2-bóligine (jala jabý) sáıkes ákimshilik quqyq buzýshylyq týraly hattama toltyryp, isti Atyraý qalalyq ákimshilik quqyq buzýshylyq jónindegi mamandandyrylǵan sotqa joldady.

Sot prosesi barysynda azamat kinásin tolyq moıyndady jáne jasaǵan isine ókinish bildirdi.

14 mamyrda sot sheshimi boıynsha, S. QR ÁQBtK-niń 73-3-baby 2-bóligi boıynsha kináli dep tanyldy jáne aıyppul túrinde ákimshilik jaýapkershilikke tartyldy.