Almatydaǵy Nazarbaev Zıatkerlik mektebinde 11-synyp oqýshysy emtıhan kezinde telefon alyp kirip, ustaz eskertý jasaǵan soń, muǵalimdi balaǵattaǵan. Oqıǵa pedagogıkalyq keńeste qaralyp, oqýshy mektepten shyǵaryldy. Bul sheshim qoǵamda pikirtalas týdyryp, keıbireýler balanyń quqyǵy buzyldy dep sanaıdy.

Oqýshy qateligin moıyndap, tipti Prezıdentke úndeý jasaǵan. Ol – NZM-de bes jyl oqyǵan, halyqaralyq emtıhandardan joǵary bal jınaǵan túlek.

Oqý-aǵartý mınıstrligi muǵalimdi qoldaıtynyn aıtyp, muǵalim bedeli zańmen qorǵalatynyn eske saldy. Mınıstr Ǵanı Beısembaev bul isti baqylaýyna alyp, arnaıy tekserý bastaldy.

NZM basqarma tóraǵasy Ánýar Janǵozın de mektep sheshimin qoldaıtynyn málimdedi. Onyń aıtýynsha, bul oqýshy buǵan deıin de tártip buzǵan. Qazir ony basqa mektepke aýystyrý qarastyrylyp jatyr.