9 maýsym kúni tergeýdegi P.Qaırat prokýratýra organdaryna aryz túsirip, mekeme qyzmetkeri kamera esigin kúshtep japqan kezde ony esik arasyna qysyp, dene jaraqatyn keltirgenin málimdegen. Astana polısıasy osyǵan qatysty tergeý ızolátorynan vıdeo jarıalady, dep habarlaıdy Qamshy.kz aqparattyq agenttigi.
"Atalǵan aryz boıynsha jınaqtalǵan materıaldar Astana qalasy Polısıa departamentine joldanyp, qazirgi ýaqytta sotqa deıingi tergep-tekserý amaldary júrgizilýde. Tergeý aıasynda mekemeniń beınebaqylaý kameralaryndaǵy jazbalar zerdelenip, qyzmetkerler men kýálardan jaýap alyndy.
Alǵashqy tergeý áreketteriniń nátıjesi boıynsha P.Qaırat málimdegendeı, kamera esigin jabý kezinde mekeme qyzmetkerleriniń oǵan dene jaraqatyn keltirýi týraly sózderi rastalmaıdy. Buǵan P.Qaırat óz aryzynda kórsetken oqıǵa sátindegi beınebaqylaý jazbasy dálel bolyp otyr. Qazirgi ýaqytta qajetti tergeý áreketteri júrgizilip, tıisti saraptama taǵaıyndaldy", delingen polısıanyń habarlamasynda.
