Qazaqstan prezıdenti Qasym-Jomart Toqaev eldiń qarýly kúshteriniń áýe qorǵanysy kúshteri Áskerı-áýe kúshteriniń qolbasshysy Rýslan Qońyrovty qyzmetinen bosatyp, onyń ornyna Asqar İzbasovty taǵaıyndady. Bul týraly 15 shilde kúni Aqordanyń baspasóz qyzmeti habarlady.

"Memleket basshysynyń ókimimen Asqar İzbasov Qazaqstan Respýblıkasy Qarýly Kúshteri Áýe qorǵanysy kúshteri Áskerı-áýe kúshteriniń qolbasshysy laýazymyna taǵaıyndaldy", - delingen habarlamada.

Prezıdenttiń taǵy bir sheshimimen Baqytbek Sydyqov Qazaqstannyń qorǵanys mınıstriniń orynbasary qyzmetinen bosatyldy.

Bıyl 8 maýsymda Toqaev Qazaqstannyń qorǵanys mınıstri etip Dáýren Qosanovty taǵaıyndaǵan. Qosanov oǵan deıin qorǵanys mınıstriniń orynbasary – áýe qorǵanysy kúshteriniń qolbasshysy qyzmetin atqarǵan edi.