Belgili jýrnalıs, Qazaqstar jazýshylar odaǵynyń múshesi Kaken Qamzın alaıaqtarǵa aldanyp, úıin satyp jibergen. Almaty qalasy Áýezov aýdandyq polısıa basqarmasy Qylmystyq kodekstiń 190-baby («Alaıaqtyq») boıynsha is qozǵady. Bul týraly facebook áleýmettik jelisine jýrnalıs Aıbar Oljaev habarlady.

«Alaıaqtar ardager jýrnalıs, profesordyń sengishtigin paıdalanyp kınodagydaı áreket etken. Aldymen Energosbyt adamdary retinde habarlasyp, meken-jaıy, JSN, páteri týraly aqparatty bilip alǵan. Artynan Ulttyk qaýipsizdik komıtetiniń atyn jamylyp habarlasyp, bireýlerdiń, úıin tartyp alaıyn dep turganyn aıtyp, tez úıin satýga kóndirgen. Al aqshany Ulttyk banktiń arnaıy shotynda saqtaısyz dep aldaǵan. Profesor notarıýs arqyly úıin satyp, aqshany alaıaqtar jibergen
kýrerge bere salgan», dep jazylǵan habarlamada.

Jańa páter ıeleri kúndiz-túni kelip, páterdi bosatýdy talap etip júrgen kórinedi. Bul jaǵdaıǵa alańdaýshylyq bildirgen qoǵam belsendileri İshki ister mınıstri Erjan Sadenovten isti jeke baqylaýǵa alýdy suraýda. Sonymen qatar, qoǵam belsendileri men zańgerlerden – ásirese belgili advokat Abzal Quspannan – quqyqtyq kómek surap jatyr.

Sondaı-aq jýrnalıser Káken Qamzınge kómek retinde sbor ashylǵanyn habarlady. 

«Alaıaqtardy anyqtap, aǵaı berip jibergen aqshasyn qashan qaıtaratyny belgisiz. Sondyqtan sbor ashýdy jón dep sheshtik. Qalyń qazaq jýrnalısi qaırat qylyp, qart profesorǵa 33 mln teńge jınaý kerek bolyp tur», delingen Nurbolat Adyrbektiń paraqshasynda.

Ardager jýrnalıs Káken Qamzınge kómektesem deýshiler bolsa 87072805030 (Erbol Azanbek) nómirine qarajat jiberse bolady.