Toqaev salyq kodeksine engizilgen túzetýlerge qol qoıdy

/uploads/thumbnail/20250715154422393_big.webp

Prezıdent Qasym-Jomart Toqaev jańa salyq kodeksine qol qoıdy. Atalǵan zań 2026 jyldyń qańtar aıynda kúshine enedi.

  Memleket basshysy «Salyq jáne búdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) jáne ony qoldanysqa engizý máseleleri boıynsha Qazaqstan Respýblıkasynyń zańdaryna ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy, delingen Aqorda habarlamasynda. 

Jańa Salyq kodeksi boıynsha:
  • Qazaqstanda qosylǵan qun salyǵy (QQS) kórsetkishi 16% bolady;
  • QQS tóleý shegi - 40 mln teńgeden bastap (jyldyq tabys);
  • Dári-dármekter men medısınalyq qyzmetterge QQS tómendetilgen mólsherlemeleri engiziledi.
Jańa Salyq kodeksinde ózgerister kásipkerlik, búdjet, keden, áleýmettik kodeksterine, sondaı-aq ónerkásiptik saıasat, memlekettik satyp alýlar jáne saýda qyzmeti týraly zańdarǵa engizildi.
  • Jańa salyq kodeksine engizilgen ózgerister:
  • fermerler – tabysy 230 000 AEK-ten joǵary bolsa (900 mln teńge) salyq salynady. Mólsherleme 4,5 paıyzǵa teń;
  • Qazaqstandyq jáne halyqaralyq bırjalar arasynda teńgerimsizdik bolmaýy úshin KASE baǵaly qaǵazdarynan túsetin tabysqa jeke tabys salyǵy salynbaıdy;
  • tólem kartalary - karta boıynsha júrgiziletin operasıalar qosymsha qun salyǵynan bosatylady;
  • qymbat avtokólikterge (75 mıllıon teńgeden astam), ıahtalar men ushaqtarǵa aksız salynady;
  • múgedektigi bar adamdar – keminde 10 múgedektigi bar adam jumys isteıtin kompanıalar qosymsha qun salyǵynan bosatylady;
  • gazetter men jýrnaldar – otandyq baspa basylymdary úshin qosymsha qun salyǵy 10 paıyz bolady.

Eske salaıyq, Májilistiń jalpy otyrysynda depýtattar Senat engizgen túzetýlerdi qabyldap, Qazaqstannyń jańa Salyq kodeksin maquldady. 2025 jyldyń basynda Ulttyq ekonomıka mınıstrligi jańartylǵan Salyq kodeksimen Parlamentke júgingen bolatyn.

Qujatta, basqa da ózgeristermen qatar, QQS (qosylǵan qun salyǵyn) qazirgi 12%-dan 20%-ǵa deıin kóterý usynylǵan edi. Alaıda talqylaý barysynda QQS-tyń túpkilikti mólsherlemesi 16% deńgeıinde bekitildi.

Qatysty tegter :

Qatysty Maqalalar