Qyrkúıek aıynda Reseıdiń aqparat quraldary keshen ataýyn Qazaqstannyń burynǵy prezıdenti Nursultan Nazarbaevtyń qurmetine ózgertý bastamasy týraly jazǵan.

"Bıyl sáýir aıynda Qazaqstan prezıdenti Qasym-Jomart Toqaev pen Reseı prezıdenti Vladımır Pýtın Baıqońyr ǵarysh aılaǵyndaǵy aýqymdy joba - "Báıterek" ekologıalyq qaýipsiz ǵarysh zymyran keshenin damytýdy tapsyrdy" dedi Asqar Mámın. Premerdiń Nur-Sultanda "Baıqońyr - álemniń ǵaryshkerlik besigi" forýmynda aıtqan bul málimdemesin "Interfaks" agenttigi taratty.

"Interfaks" jobany "Nazarbaev starty" dep ataý jóninde Reseı bastama kótergenin atap ótken.

Qyrkúıek aıynda Qazaqstannyń burynǵy prezıdenti Nursultan Nazarbaev Reseı prezıdenti Vladımır Pýtınniń "Báıterek" zymyran kesheniniń ataýyn "Nazarbaevqa" ózgertý usynysyn qabyldaǵan.

Bıyl naýryz aıynda prezıdenttikten ketse de, yqpaldy bıligin saqtap qalǵan Nazarbaevtyń qurmetine Astana qalasynyń ataýy Nur-Sultan dep ózgertildi.