Májilis depýtaty Aıqyn Qońyrov Nur-Sultan qalasynda Dúnıejúzilik saýda uıymynyń konferensıasyn ótkizý shyǵyndaryna kúmán keltirdi – dep Qamshy.kz aqparat agenttigi habarlaıdy.. 

"Kelesi jyly Qazaqstan Dúnıejúzilik Saýda Uıymynyń mınıstrler konferensıasyn ótkizýge nıetti. Sharaǵa qatysýshylar sany 5-6 myń adamnan asady. Uıymdastyrýshy – "Astana EKSPO-2017" ulttyq kompanıasy. Mundaı jahandyq sharanyń ımıjdik áseri bar ekeni anyq. Sondaı-aq konferensıanyń shyǵyndarynyń negizdemesi jáne onyń praktıkalyq áseri kúmán týǵyzady. Óıtkeni, Qazaqstan jaqynda DSU-ǵa múshe boldy jáne birqatar salalarda áli de ótpeli kezeńde",– dep premer-mınıstr Asqar Mamınge depýtattyq saýal joldady.

 "Halyqaralyq saýda tizbeginde shıkizat jetkizýshisi retinde osyndaı rólge ıe bola otyryp, Qazaqstan daıyn ónimdi jetkizýshilerdiń múddelerin qorǵaıtyn jáne sarapshylardyń pikirinshe tereń daǵdarysta turǵan uıymnyń mınıstrler konferensıasyn ótkizýi kerek", – dedi depýtat.

Odan ózge  Qońyrov bul aqshany otandyq kásiporyndar men eksporttaýshylardy is júzinde qoldaýǵa, eń aldymen kórshi elderdiń naryqtaryna jyljytýǵa jumsaýdy usyndy.

Sondaı-aq depýtat EKSPO nysandarynyń ózin-ózi qamtamasyz etýine  baılanysty birqatar máselelerdi kóterdi.

"Bir kezderi EKSPO nysandaryn kórmeden keıingi paıdalanýdyń tıimdiligin arttyrý jáne olardyń ótelýine qol jetkizý mindeti qoıylǵan bolatyn. Sondyqtan DSU mınıstrler konferensıasy sıaqty keń aýqymdy sharalardy ótkizý Qazaqstan úshin komersıalyq paıda tabýdyń joly boldy.  Konferensıanyń smetalyq quny qandaı, ol qalaı jabylady? EKSPO –2017 nysandarynyń qaısysy ózin-ózi qamtamasyz etýge jetkiziledi jáne qaısysy úshin memleket tarapynan qarjylandyrý jalǵasýda? "Astana EKSPO – 2017" ulttyq kompanıasynyń 2018 jylǵy qyzmetiniń qarjylyq nátıjeleri qandaı", – deıdi premer-mınıstrge depýtattyq saýalynda.