SHQO ákimi Danıal Ahmetov sıfrly tehnologıalardy paıdalaný esebinde júrgiziletin memlekettik basqarýdy arttyrýdyń mańyzyn aıtty.

Óńir basshysy byltyr biryńǵaı mekemearalyq jaǵdaıat ortalyǵy iske qosylǵanyn atady. Onyń basty utymdy tusy – aqparattyq júıelerdiń ózara áreketine keshendi toqtalatynynda. Ortalyq jol qozǵalysy qaýipsizdigin, qoǵamdyq tártipti, tótenshe jáne komýnaldy qyzmettiń jumystaryn qamtamasyz etedi.

Onyń qurylymyna jaǵdaıattyq jáne ınvestısıalyq ortalyqtar, «Sergek» foto-vıdeo júıesi qosylǵan jedel aqparat ortalyǵy, «109» qyzmetiniń «Qoǵamdyq tártip» beınebaqylaý júıesi, 112 biryńǵaı kezekshi-dıspecherlik qyzmeti kiredi. Ortalyqtar arqasynda 3 myńnan asa kórsetkishter jınalyp, 20 júıe aralyq ıntegrasıa uıymdastyryldy.

Munymen qosa, qoǵamdyq qabyldaý bazasynda azamattardyń saýalnamasyn qabyldaý boıynsha biryńǵaı qyzmetter platformasy jumys isteıdi. SMS-habarlandyrý arqyly baǵalaý júıesi engizilgen.

Azamattardyń yńǵaıy úshin Óskemen men Semeı qalalaryndaǵy ınjenerlik-baılanys ınfraqurylymy kórsetilgen bos jerlerdiń elektrondy kartasy daıyndaldy. Rıdder men Shemonaıha, Zaısan, Aıagóz, Altaı jáne Serebránsk syndy shaǵyn qalalardyń kartalary resmılendi.