Almaty Jumyspen qamtýdyń jol kartasy aıasynda 2045 turaqty jumys orny qurylady. Bul týraly Almatyda jumyspen qamtýdy qamtamasyz etý máseleleri boıynsha onlaın-brıfıngte qalalyq ál-aýqat basqarma basshysynyń orynbasary Danıar Álkebaıuly aıtty.

– Prezıdentimizdiń tapsyrmasyn oryndaý maqsatynda Úkimet qaýlysymen «Jumyspen qamtý jol kartasy» qabyldanǵany belgili. Búginde Almaty qalasynda Jumyspen qamtý jol kartasy aıasynda 214 ınfraqurylymdyq jobany iske asyrý josparlanyp otyr. Qazirgi tańda konkýrstyń prosedýralar júrip jatyr. Onyń ishinde kelesi jumys túrleri men nysandar boıynsha, ıaǵnı, áleýmettik-mádenı obektilerdi kúrdeli jáne aǵymdaǵy jóndeý, qaıta jańartý; turǵyn-úı komýnaldyq- sharýashylyq obektilerin kúrdeli, ortasha jáne aǵymdaǵy jóndeý, qaıta jańartý; ınjenerlik kólik ınfraqurylymyn kúrdeli, ortasha jáne aǵymdaǵy jóndeý jáne qaıta jańartý, sondaı-aq, eldi mekenderdi abattandyrý sıaqty jobalarǵa joldanatyn bolady – dedi D. Álkebaıuly.

 

Spıkerdiń aıtýynsha, ınfraqurylymdyq jobalardy iske asyrý aıasynda jumyssyz jastar úshin basymdyqty Jumyspen qamtý ortalyqtary arqyly jaldamaly jumysshylardyń keminde 50%-y bolatyn 26 myń jańa jumys oryndaryn qurý josparlanýda. Jumyspen qamtýdyń jol kartasy aıaqtalǵannan keıin jańa nysandar salý arqyly 2045 turaqty jumys orny qurylady.

Jumyspen qamtýdyń jol kartasyn júzege asyrý nátıjesinde 47 jańa nysan, onyń ishinde 31 áleýmettik nysan salynady.

Spıker sondaı-aq, ótinish berý úshin Jumyspen qamtý ortalyǵynyń saıty jumys isteıtinin, onda qabyldanǵan sharalar týraly tolyq aqparat bar ekenin, ótinish berýge arnalǵan silteme de kórsetilgenin aıtyp ótti.

Jol kartasy aıasynda jumysqa ornalasýdy járdemdesý úshin 6408 adamnan túıindeme qabyldanǵan. Onyń ishinde 708 adam – qurylys alańdarynda jumys isteýge ótinish bergen.

 

Barlyǵy 12 joba tirkeldi, 468 jumys orny ashyldy, tirkelgen jumyssyzdardyń ishinde 38 adam jumysqa ornalastyryldy.