Statısıka komıteti 2019 jylǵy sáýir men 2020 jylǵy sáýir aralyǵynda azyq-túlik taýarlary 10,4 paıyzǵa qymbattaǵanyn habarlady.

Nan ónimderi jáne jarmalar, et, balyq jáne teńiz ónimderi, sút ónimderi, jumyrtqa, maı jáne tońmaı, kondıterlik ónimder, jańa jınalǵan kókónister men jemister, alkogólsiz sýsyndar jáne alkogóldi ishimdikter qymbattaǵan. Al qant baǵasy kerisinshe arzandaǵan.

Jarma ónimderi tobyna jatatyn qaraqumyqtyń ortasha baǵasy kılogramyna 349 teńgeni (2019 jylǵy sáýirde – 243 teńge), suly jarmasy – 357 teńgeni (334 teńge), sókke – 372 teńgeni (285 teńge), kúrish 373 teńgeni (333 teńge) quraǵan.

Qumshekerdiń ortasha baǵasy 2020 jylǵy sáýirde kılogramyna 213 teńgege, 2019 jylǵy sáýirde 243 teńgege teń boldy.

Sút ónimderine jatatyn súzbeniń ortasha baǵasy kılogramyna 1637 teńge (2019 jylǵy sáúirde – 1562 teńge), qaımaq – 1136 teńge (1050 teńge), aıran – 305 teńge (285 teńge), pasterlengen sút 260 teńge (240 teńge) shamasynda.