Almatyda 2020 jyldyń 11 mamyrynan bastap TJ rejımi aıaqtaldy. Bul rette, karantındik sharalar áli de jalǵasýda. Bul týraly qala ákimdiginiń baspasóz qyzmeti habarlady.

Almaty qalasynda shekteý sharalary qaladaǵy epıdemıologıalyq jaǵdaıǵa baılanysty kezeń-kezeńmen alynatyn bolady.

Búgingi kúnnen bastap sulýlyq salondarynyń, bilim berý ortalyqtarynyń qyzmeti bastalady. Olar úshin aýdıtten ótý mindetti bolyp tabylady, ony ótkizýge ótinimder kún saıyn call centre arqyly qabyldanady (+7 775 882 55 39, +7 775 882 57 08, +7 775 882 55 46, +7 775 882 54 16, +7 775 882 56 02, +7 775 882 53 12, +7 775 882 56 49, +7 775 882 52 00, +7 775 882 56 72, +7 775 882 53 92), sondaı-aq elektrondyq poshta boıynsha (obektilerdiń ornalasqan jeri boıynsha:
Infoalatau@mail.kz — Alataý aýdany
Infoalmaly@mail.kz — Almaly aýdany
Infoauezov@mail.kz — Áýezov aýdany
Infobostandyk@mail.kz — Bostandyq aýdany
Infozhetysu@mail.kz — Jetisý aýdany
Infomedeu@mail.kz — Medeý aýdany
Infonauryzbay@mail.kz — Naýryzbaı aýdany
Infoturksib@mail.kz — Túrksib aýdany)

Aýdıt ótkennen keıin jáne oń sheshim alǵannan keıingi kelesi qadam osy sektorlar kompanıalarynyń qyzmetkerleri infoalmaty.kz saıtynda tirkeledi. Bilim berý uıymdarynda, sulýlyq salondarynda jumys isteıtin jáne oblysta turatyn qyzmetkerlerdi tirkeýge ótinim osy saıt arqyly beriledi.

Sonymen qatar, mindetti túrde aýdıt ótken jaǵdaıda ónerkásip jáne qurylys salasyndaǵy obektilerdiń, jobalaý uıymdarynyń, sondaı-aq kelesi qyzmet túrlerin júzege asyratyn kásiporyndardyń jumysyn qaıta bastaý jalǵastyrylatynyn eske salamyz: «úıge jetkizý», TQS, shınomontaj, avtojýý jáne tehnıkalyq qyzmet kórsetý boıynsha avtosalondar, keńse tehnıkalaryn jóndeý jáne jarnama agenttikteri.

Sanıtarlyq-epıdemıologıalyq talaptar saqtalǵan jaǵdaıda jáne aýdıtten ótpeı jumysty iske qosý kólik jáne saqtaý, aqparat jáne baılanys, qarjy qyzmetteri salasyndaǵy kásiporyndar (EDB, mıkroqarjy uıymdary, saqtandyrý kompanıalary, brokerler, lombardtar, aıyrbastaý pýnktteri), bızneske arnalǵan kásibı qyzmetter, sondaı-aq keıbir qyzmet túrleri: fotosalondar men gúl pavılondary, shashtarazdar, jyljymaıtyn múlikpen jasalatyn operasıalar jónindegi kompanıalar, baspa qyzmeti, aıaq kıim jóndeý jáne hımıalyq tazalaý, jýý, azyq-túlik emes taýarlar dúkenderi 500 sh. m. deıingi (SO, SOO, SÚ tys).

Barlyq kompanıalar jańa usynystarǵa sáıkes jumys isteýge mindetti. Jumys oryndaryndaǵy áleýmettik qashyqtyq jáne qatań sanıtarlyq rejım qyzmeti ruqsat etilgen uıymdar jumysynyń mindetti talaptary bolyp tabylady. Bul rette, jumys oryndarynda qajetti qyzmetkerler sany tikeleı jeke kásiporyndardyń basshylarymen óz betinshe anyqtalatyn bolady.

Obektilerdiń sanıtarlyq-epıdemıologıalyq normalarǵa sáıkestigin tekserýdi jergilikti atqarýshy organdar men «Atameken» UKP ókilderi qatarynan buryn qurylǵan monıtorıńtik toptar júrgizetin bolady. QR ÁQBtK 462-babyna sáıkes, belgilengen sharalardy oryndamaý aıyppul túrinde (shaǵyn kásipkerlik sýbektileri úshin – 100 AEK mólsherinde, 200 – orta jáne 500 – iri kásipkerlik sýbektileri úshin) jáne karantınniń barlyq kezeńinde obektiniń tolyq jabylýyna deıin ákimshilik jaýapkershilik qarastyrylady.

Oblys arasyndaǵy saparlarǵa shekteý áli de saqtalady. Almaty qalasynyń perımetri boıynsha blokpostardyń jumysy kúsheıtilgen rejımde júzege asyrylatyn bolady. Qyzmeti ruqsat etilgen megapolıs uıymdarynda jumys isteý úshin azamattardyń kelýine jáne shyǵýyna ruqsat etiledi. Qalaǵa kirýdiń mindetti sharty qyzmetkerlerdiń málimetterin infoalmaty.kz bazasyna engizý bolyp tabylady, al ótinimderdi qabyldaý erteń saǵat 15.00-de ashylady. İri jáne mańyzdy kásiporyndardyń qyzmetkerleri arasynda koronavırýstyq ınfeksıany anyqtaýǵa test júrgizý josparlanýda.

Sonymen qatar, saıabaqtar men skverler ashylady. Kóshege shyǵýǵa 3 adamnan aspaıtyn quramda ruqsat etiledi. Kúndelikti ómirde saqtyq sharalaryn qatań saqtaý, kópshilik jerlerde betperde kıý jáne áleýmettik qashyqtyqty ustaný týraly usynystar ózekti bolyp qalady. Bul sharalardyń barlyǵy birinshi kezekte azamattardyń qaýipsizdigin qamtamasyz etýge baǵyttalǵan.