Alǵash ret Qazaqstan halqynyń birligi men Qazaqstan halqy Assambleıasynyń kúni merekelik sherýsiz, konsertsiz, baıqaýsyz ótti. Elimizde jarıalanǵan tótenshe jaǵdaıǵa baılanysty shyǵysqazaqstandyqtar bul meıramdy otbasymen birge qarsy aldy.
Qazaqstan halqy Assambleıasynyń músheleri, oblystyq etnomádenı birlestikter men dostyq úıi-qoǵamdyq kelisim ortalyǵy, sondaı-aq shyǵarmashylyq ujymdar bereke-birlikti nyǵaıtýǵa úles qosyp keledi.
– Karatın kezinde bos otyrǵan joqpyz. Bizdiń áriptesterimiz ulttyq taǵamdardy ázirlep úıretý úshin aspazdyq sheberlik synyptaryn uıymdastyrdy. Beınerolıkter arqyly halyqty quttyqtap, jyly lebizderin bildirdi. 1 mamyr kúni ártister onlaın rejımde konsert ótkizdi. Onda ulttyq bıler men halyq ánderin oryndaldy. Konsertti oblys turǵyndary onlaın rejımde tamashalady. Jalpy bizdiń konsert uıymdastyrýdaǵy basty maqsatymyz – qazaq halqyna alǵys aıtý, – dedi SHQO-daǵy ázirbaıjan etnomádenı birlestiginiń tóraǵasy Elvın Demırchıev.
Qazaqstan halqy Assambleıasynyń basty ustanymy «Kúsh birlikte» ekenin kórsetý. Qazaqstan halqy Assambleıasynyń SHQO-daǵy fılıaly barlyq sharaǵa belsene qatysyp keledi.
Onlaın konsertte Qazaqstan halqy Assambleıasynyń múshesi Leo Shık, «Vaınah» sheshen-ıngýsh etnomádenı birlestiginiń tóraǵasy Tatána Kagermanova, «Aq nıet» fólklorlyq ansambliniń jetekshisi Maıra Mýrsalımova jáne taǵy basqalar aqjarma tilekterin arnady.
– Qazaqstanda turatyn barlyq ult ókilderi bir-birin qurmetteıdi. 1 mamyr biz úshin patrıottyq belgisi ispettes. Bizdiń ansámbldiń músheleri qazaq jáne belorýss, aǵylshyn tilderinde án shyrqaıdy, - dedi «Garmonıa» belorýss vokaldyq tobynyń kórkemdik jetekshisi Natalá Kýznesova.
Bul merekeniń toılanýyna Qazaqstan Respýblıkasynyń tuńǵysh prezdıdenti-Elbasy Nursultan Nazarbaevtyń sińirgen eńbegi zor. 1995 jyly Elbasynyń jarlyǵymen Qazaqstan halqy Assambleıasy quryldy. Sóıtip memleketimizde qazaqstandyq etnostardyń bereke-birligi nyǵaıyp, mádenıetteri men salt-dástúrleri jańǵyrtyldy. Sonymen qatar sol jyldan bastap Qazaqstan halqynyń birligi kúnin atap ótý týraly jarlyqqa qol qoıyldy.
Pikir qaldyrý