Barlyq standartqa sáıkes keletin kardıologıalyq ortalyq oblystyq klınıkadan esh kem emes. Munda aıagózdikterden bólek, Úrjar, Jarma, Tarbaǵataı aýdandarynyń turǵyndaryna da medısınalyq kómek kórsetiledi. Atalmysh nysannyń qurylys jumystarymen SHQO ákimi Danıal Ahmetov is sapar barysynda tanysyp qaıtty.
Kardıologıalyq ortalyq aýdandyq aýrýhana negizinde salynýda. Aýdandyq ortalyq aýrýhananyń bas dárigeri Shalqar Omarovtyń aıtýynsha, bul ortalyqty salý qajettiligi buryn týyndaǵan. Osyǵan deıin ótkir nemese jedel kardıologıalyq patologıasy bar naýqastardyń deni Semeı, Óskemen, Nursultan jáne Almatydaǵy kardıologıalyq klınıkalarǵa em qabyldaýǵa jiberilgen.
Aıagózdegi kardıologıalyq ortalyqqa jóndeý jumystaryn júrgizý týraly kelisim aǵymdaǵy jyldyń 20 aqpanynda jasalǵan. Búginde mundaǵy jóndeý jumystarynyń 60 paıyzy atqarylǵan. 1 maýsymǵa deıin atalmysh nysandaǵy qurylys-montajdaý jumystary aıaqtalady dep kútiledi.
– Barlyq qajetti quraldar satyp alyndy. 15 mamyrǵa deıin medısınalyq rentgen-angıografıalyq apparaty ornatylady. Munda kompúterlik tomografıa bar. Aıta ketetin bir jaıt, aýrýhanada ottegimen qamtamasyz etý oń jolǵa qoıylǵan. Munda ótkir nemese jedel kardıologıalyq patologıasy bar naýqastar emdeletin bolady. Bizde ınsýlttyq ortalyq jemisti eńbek etýde. Eki jyldyń ishinde 1870 adamdy emdep, 970 adamdy ońaltýdan ótkizdik, - dedi Shalqar Omarov.
Aımaq basshysy Danıal Ahmetov qurylys jumystaryna oń baǵasyn berdi. Sondaı-aq ol aýdandyq ortalyq aýrýhanadaǵy ótken jyly medısınalyq qyzmet kórsetý boıynsha İİİ deńgeıge ótken bosaný bólimshesine bardy.
– Bul aýyldaǵy medısınanyń basqa deńgeıi. Jýyq arada munda anıograf qoıylady. Sonda Aıagózdegi aýdandyq aýrýhananyń qyzmet kórsetý deńgeıi Óskemen men Semeıden esh kem bolmaıdy. Búginde osy aýrýhanada jumys isteıtin 15 dáriger Eýropaǵa baryp, biliktilikterin shyńdap qaıtty. Bul alǵa jyljýdyń naqty kórinisi, - dedi Danıal Ahmetov.
İs sapar sońynda aımaq basshysy bes qabatty turǵyn úıdiń qurylys jumystarymen tanysty. Aǵymdaǵy jyldyń 15 maýsymynda 60 páterli kópqabatty turǵyn úı qoldanysqa beriledi.
Pikir qaldyrý