Almatyda «Jumyla kótergen júk jeńil» atty aksıa ótti, dep habarlady ttjk.info saıty.

Ótken aptada karantınge baılanysty óz otandaryna qaıta almaǵan Qyrǵyzstan, Tájikstan jáne Ózbekstan elderiniń azamattaryna azyq-túlik jáne gıgıena quraldary tapsyryldy. 82 Qyrǵyzstan azamatyna, 120 Tájikstan azamatyna jáne 10 Ózbekstan azamatyna kómek kórsteldi. Olardyń ishinde eńbek mıgranttary, stýdentter jáne balalar da bar.

İs-sharany «Qolda» shuǵyl kómek jobasy aıasynda «Shevron» kompanıasymen seriktestikte «Rodnık» Qoǵamdyq qory jáne Eýrazıa Ortalyq Azıa Qory uıymdastyrdy.

Sonymen qatar, Almatydaǵy Ózbekstan Respýblıkasynyń bas konsýldyǵy, Qyrǵyzstan Respýblıkasynyń bas konsýldyǵy, «Somonıen» Tájik mádenı-qoǵamdyq birlestikteri qaýymdastyǵy» jáne Almatydaǵy «Zamandash» qaýymdastyǵy da sharaǵa jumyla kiristi.

«Somonıen» uıymynyń vıse-prezıdenti Valıev Inoıatýllohon: «Bul gýmanıtarlyq kómek ózge elde jumyssyz qalǵan bizdiń otandastarymyzǵa sál de bolsyn járdem boldy. Jumyla kótergen júk jeńil demekshi, bul el basyna túsken qıyn kezde bizdi biriktirdi»,- dep uıymdastyrýshylarǵa alǵys bildirdi.

«Rodnık» Qoǵamdyq qorynyń dırektory Nına Balabaeva: «Joba aıasynda barlyq seriktesterdiń qosqan úlesteri zor. Karantın bastalǵaly beri Ózbekstan, Qyrǵyzstan elderiniń Bas konsýldyqtary, ulttyq-mádenı ortalyqtar mıgranttarmen baılanysty úzgen joq. Biz eń aldymen rasymen de kómekke muqtaj adamdardyń tizimin jasadyq. Joba barysynaǵy dittegen mindetti oryndadyq, 100 mıgrantqa kómek kórsetildi. Olar jyly pikiri men alǵysyn aıtyp jatyr», degen pikirimen bólisti.

Esterińizge sala keteıik, atalǵan aksıa Ortalyq Azıanyń Eýrazıa Qory «Shevron» kompanıasymen birge karantınniń halyqqa tıgizetin keri áserin tómendetý, qoǵamdyq jáne eriktiler uıymdaryn qoldaý, BAQ arqyly halyqty aqparattandyrý maqsatynda ótkizgen «Qolda» jedel kómek kórsetý jobasy aıasynda ótti.

OAEQ – Ortalyq Azıanyń Eýrazıa Qory (OAEQ) – 2005 jyly aımaqta qurylǵan úkimettik emes uıym. OAEQ jergilikti qaýymdastyqtardy nyǵaıtý men azamattyq jáne ekonomıkalyq ál-aýqatyn jaqsartý arqyly, azamatttardyń óz bolashaǵyn qurýda belsendi qatysýǵa kómektesý úshin qoǵamdyq jáne jeke resýrstardy jumyldyrady.

Korporasıa «Shevron» Bul álemdegi eń iri ıntegrasıalanǵan energetıkalyq kompanıalardyń biri, 100-den astam elde óz jumysyn atqarady jáne munaı-gaz salasynyń barlyq salasynda jumys isteıdi. Sonymen qatar, kompanıa jańartylatyn energıa men aldyńǵy qatarly tehnologıalardy damytýǵa ınvestısıa jasaıdy.

«Shevron» Qazaqstandaǵy jetekshi jeke munaı kompanıasy bolyp tabylady jáne eldiń eń iri eki ken orny – Teńiz jáne Qarashyǵanaqta mańyzdy úlesterge ıe. Korporasıa Kaspıı Qubyr Konsorsıýmyndaǵy eń iri jeke aksıoneri.